Алла Тағаланың «Ар-Рохим» есім-сипаты

Ар-Рохман – дүние және Ақыретте тек мүминдерге рақымдылық Етуші. Алла Тағаланың дүниедегі мүминдерге деген рахметі оларды тура жолға салумен және сауапты амалды істеуді нәсіп етумен болса, Ақыретте күнәларын кешіріп жәннатқа кіргізумен болады.

Хақ Тағаланың Ар-Рохим есім-сипаты Құранда 115 рет айтылып, соның алтысында Алла Тағаланың «Ар-Рохман» сипатымен бірге зікір етілген. Сонымен қатар Құранда Ар-Рохман сипаты көбінесе Алла Тағаланың Ат-Таууаб, Әл-Ғафур, Ар-Рауф, Әл-Уадуд, Әл-Ғазиз есім-сипатымен бірге айтылады. Ғалымдардың айтуынша осы жағдай Жаратушы Иенің Ар-Рохим сипаты тек мүминдерге тиесілі екеніне дәлел.

 

Хақ Тағаланың Ар-Рохман және Ар-Рохим есім-сипаттары «рақымдылық» ұғымына ишара. Ар-Рохман мен Ар-Рохимнің бір-бірінен ерекшелігі: Ар-Рохман есім-сипаты «барлық жаратылысты Өз рақымына бөлеуші, рақымдылардың Рақымдысы (أرحم الراحمين)» деген мағынаны білдіреді. Ал Ар-Рохим есім-сипаты тек мүминдерге тиесілі. Яғни, «һиядат, қабыл болған ізгі амал, Ақыреттегі саупты тек мүминдерге нәсіп Етуші» дегенді білдіреді.

Толығырақ ...

Алла Тағаланың «Ар-Рохман» есім-сипаты

Ар-Рохман – дүниедегі жаратылғанның барша жаратылғанға рақымдылық Етуші. Осы себептен «Ар-Рохман» есім-сипаты тек Алла Тағаланың Өзіне ғана тән сипат. Сондықтан дүниеде еш нәрсе «Ар-Рохман», яғни «барша нәрсені рахметіне бөлеуші» деп аталмайды.

Мүминнің Алла Тағаланың «Ар-Рохман» сипаты мәселесіндегі иғтиқады (нанымы): дүниедегі рақымдылық – Хақ Тағала рақымының бір ғана бөлігі. Соның себебінен жаратылғанның бәрі бір біріне рақымдылық етеді. Сонымен қатар Алла Тағаланың рақымы өзіне барша жаратылғанды, соның ішінде адамзат пен жындарды қамтиды. Бұл мәселеге қатысты Имам Бухари (рохматуллаһи ғаләйһи) Әбу Һурайрадан (родиял-лаһу ғанһу) риуаят еткен хадисте Расулуллаһ (солләл-лаһу ғаләйһи уә салләм) былай деген:

جَعَلَ اللهُ عَزَّ وَجَلَّ الرَّحْمَةَ مِائَةَ جُزْءٍ فَأَمْسَكَ عِنْدَهُ تِسْعَةً وَتِسْعِينَ وَأَنْزَلَ فِي الأَرْضِ جُزْءاً وَاحِداً فَمِنْ ذَلِكَ الْجُزْءِ يَتَرَاحَمُ الْخَلْقُ حَتَّى تَرْفَعَ الْفَرَسُ حَافِرَهَا عَنْ وَلَدِهَا خَشْيَةً أَنْ تُصِيبَهُ

«Алла Тағала рақымдылықты жүз бөлiк етiп жаратып, оның бiр ғана бөлiгiн жер бетiне түсiрiп, қалған тоқсан тоғыз бөлiгiн түсiрмедi. Жер бетiне түсiрiлген рақымдылықтың сол бiр ғана бөлiгi себебiнен бүкiл жаратылыс бiрi-бiрiне мейiрiмдiлiк етедi. Тiптi биенiң өзi құлынына зиян етуiнен қорқып тұяғын абайлап басады». (Бухари)

Толығырақ ...

Алла Тағаланың 99 көркем есім-сипаты

Жаратушы Ие «Хашр» сүресінің 24-ші аятында:

هُوَ اللهُ الْخَالِقُ الْبَارِئُ الْمُصَوِّرُ لَهُ الأَسْمَاء الْحُسْنَى

«Ол – Жаратушы, жоқтан бар Етушi, суреттеп Бейнелеушi, Оның барлық есiмi көркем»,-десе, «Ағраф» сүресінің 180-ші аятында:

وَللهِ الأَسْمَاء الْحُسْنَى فَادْعُوهُ بِهَا

«Алла Тағаланың есімдері көркем. Сол есімдері арқылы Оған мінажәт етіңдер»,-деген.

Сонымен қатар Имам Тирмизи (рохматуллаһи ғаләйһи) Әбу Һурайрадан (родиял-лаһу ғанһу) риуаят еткен хадисте Пайғамбарымыз (солләл-лаһу ғаләйһи уә салләм):

إِنَّ للهِ تِسْعَةً وتِسْعِينَ اسْماً مِائَةً غَيْرَ وَاحِدَةٍ مَنْ أَحْصَاها دَخَلَ الْجَنَّةَ

Толығырақ ...