Сурақаның оқиғасы

Пайғамбарымызды (солләл-лаһу ғаләйһи уә салләм) таба алмай әптен әлекке түскен мушриктер оны тапқанға жүз түйе сыйақы тағайындады.

Ал бұл кезде үш күн үңгірде жасырынған Пайғамбарымыз (солләл-лаһу ғаләйһи уә салләм) бен Әбу Бәкр (родиял-лаһу ғанһу) Ясрибке (Мадинаның көне атауы) қарай бет алған болатын.

Сурақа ибн Малик жүз түйе сыйақы жайында Қудайда деп аталатын жерде естіді.

Қудайда – Меккенің маңындағы жиын өткізетін орынның атауы.

Сурақа ибн Маликтің бойында қандай болғанда да іздеу салынғандарды өзгелерден бұрын табуға құштарлық пайда болды. Ол үндеместен орнынан тұрды. Бойын түзеп тұрғаны сол еді оның бір туысы үш адамды көргені жайында айтты. Сурақа оны ойынан жаңылыстыру үшін: «Ол жоғалған түйелерін іздеп жүрген бір үйдің балалары болса керек»,-деген еді, туысы онымен келісе салды.

Толығырақ ...

Алла Тағала бізбен бірге

Пайғамбарымыз (солләл-лаһу ғаләйһи уә салләм) бен Әбу Бәкр (родиял-лаһу ғанһу) үңгірде жатып іздеріне түскен мушриктердің аяқтарын көріп жатты. Сол сәтте өзі үшін емес, бәлкім Нәбиді (солләл-лаһу ғаләйһи уә салләм) ойлап қорқып кеткен Әбу Бәкр (родиял-лаһу ғанһу): «Уа, Расулуллаһ! Олардың бірі ағының астына қараса бізде көреді»,-деді. Сонда Расулуллаһ (солләл-лаһу ғаләйһи уә салләм) оның жұбатып: «Үшіншісі Алла Тағала болған үңгірдегі екеуі жайында не ойлайсың?»,-деп жауап берді.

Толығырақ ...

Үңгірде

Ізге түскен мушриктердің көздеріне түсіп қалмау үшін Пайғамбарымыз (солләл-лаһу ғаләйһи уә салләм) бен Әбу Бәкр (родиял-лаһу ғанһу) Сәур тауындағы үңгірге жасырынды.

Үңгірге кіруден бұрын Әбу Бәкр (родиял-лаһу ғанһу) үгңірдің ішін мұқияттылықпен қолымен сипап шықты. Себебі, үңгірде жылан т.с.с. зиянды жәндіктер болуы ықтимал еді. Үңгірдің ішін тексеріп біткенен соң Әбу Бәкр (родиял-лаһу ғанһу) Нәбиді (солләл-лаһу ғаләйһи уә салләм) шақырды.

Осылай мушриктерден жасырынған кезде Алла Тағала өрмекшіге үңгір мен жанындағы талдың арасына ұясын тоқуын бұйырды. Сонымен қатар Хақ Тағаланың әмірімен екі көгершін үңгірдің дәл аузына ұясын салды.

 

Пайғамбарымызды (солләл-лаһу ғаләйһи уә салләм) іздеген мушриктер үңгірге келіп, өрмекшінің ұясын көрді де: «Мына үңгірдің ішінде біреу болса, өрмекші ұясын салмас еді»,-деген ойға келді.

Толығырақ ...

Сәур тауында жасырыну

Нәби (солләл-лаһу ғаләйһи уә салләм) мен Әбу Бәкр (родиял-лаһу ғанһу) Меккеден  жасырын шықты. Шыққанда да қуған біреу болса, оны адастыру үшін тіке Мадина тарапына емес, кері тарапқа шығып, Меккенің жанында Сәур тауындағы үңгірге жасырынды.

Әдетте бізде «ғар үңгірідле» деп айтады. «Ғар» сөзінің өзі араб тілінде «үңгір» дегенді білдіреді.

 

Расулуллаһ (солләл-лаһу ғаләйһи уә салләм) пен Әбу Бәкр (родиял-лаһу ғанһу) үңгірде жасырынған кезде Әбу Бәкрдің ұлы Абдуллаһ Меккеден хабар жеткізіп тұрса, қызы Асма тамақ жеткізіп тұрды.

Толығырақ ...

Һижра

Әбу Бәкр (родиял-лаһу ғанһу) өзге мұсылмандар сияқты Мадинаға һижрат етуін қалағанда Расулуллаһ (солләл-лаһу ғаләйһи уә салләм) оны тоқтатқан болатын. Осыдан бір күні Расулуллаһ (солләл-лаһу ғаләйһи уә салләм) Әбу Бәкрге (родиял-лаһу ғанһу) келіп: «Алла Тағала маған һижрат етуге рұқсат етті»,-дегенде Әбу Бәкр (родиял-лаһу ғанһу) қуанып: «Уа, Расулуллаһ! Сонда мен сізбен бірге һижрат етемін бе?»,-деп сұрады. Расулуллаһ (солләл-лаһу ғаләйһи уә салләм): «Иә»,-деп жуап берді. Сол сәтте куаныштан Әбу Бәкр (родиял-лаһу ғанһу) жылап жіберді.

Айша анамыз (родиял-лаһу ғанһа) бұл оқиға жайында: «Үлкен кісінің жас баладай жылағанын сол кезде көрдім»,-дегені бар.

 

Негізі, Әбу Бәкр (родиял-лаһу ғанһу) осы сапар үшін алдын ала екі түйені әзірлеп қойған болатын. Расулуллаһ (солләл-лаһу ғаләйһи уә салләм) Әбу Бәкр (родиял-лаһу ғанһу) екеуі сол екі түйемен шасырын түрде жолға шықты.

Толығырақ ...

Мушриктердің кеңесі

Мұсылмандар Меккеден мадинаға һижрат еткенін көрген мушриктерді «енді не істейміз?» деген сұрақ мазалады. Олар басты мәселеде Меккеден Пайғамбарымыздың (солләл-лаһу ғаләйһи уә салләм) шығып кетуін қаламады. Өйткені, бұл жағдайда дін күшейіп Араб жазирасына тарап кетуі ақиқат. Осы мәселені талқылау үшін мушриктер өздерінің әдеті бойынша «Дарун-надуаға», яғни кеңесетін орынға жиналды. Дарун-надуа Қусай ибн Киләбтың ауласында болатын.

Ойласа келіп мушриктер мынадай келісімге келді: әрбір тайпадан бір-бір адамнан алып, олардан құралған топты Нәбиді (солләл-лаһу ғаләйһи уә салләм) өлтіруге жіберу керек. Сонда Бану Абду Манафтың әулеті барлық арабтан өш ала алмайды да еш жанжал болмайды. Осылайша мушриктер қан-жан ақысына жол бермеудің айласын қарастырды.

Алайда, Алла Тағала Пайғабарымызға (солләл-лаһу ғаләйһи уә салләм) мушриктердің қазымыр айласы жайында алдын-ала хабарлап қойды. Нәтижеде, Расулуллаһ (солләл-лаһу ғаләйһи уә салләм) һижрат ететін түні орнына Әли ибн Әби Толибті (родиял-лаһу ғанһу) жатқызып кетті.

Толығырақ ...