Жоқшылықтан қорғайтын сүре. Жауабы...

Жоқшылықтан қорғайтын сүре. Жауабы...

Өз-өзіңді шыңда!

Құранда бір сүре бар, оны әр кеште оқу пендені кедейшілік пен жоқшылықтан сақтайды. Ол қай сүре?

Жауабы: ол – «Уақиға» сүресі.

«Уақиға» сүресі – меккелік сүре. Аят саны – 96.

Қиямет күні жайында баяндаумен басталған бұл сүреде Ақыретте адамдар үш топқа бөлінетіні және олар үшін әзірленген сауап пен жаза жайында айтылған.

Сүренің артықшылығы: Масрұқ (родиял-лаһу ғанһу) айтады: «Әуелгілер мен кейінгілердің, жәннатылар мен тозақылар және дүние мен Ақырет иелерінің хабарын білгісі келген адам «Уақиға» сүресін оқысын».

Сағләби (рохматуллаһи ғаләйһи) айтады: «Дүниеден өтер алдында науқастанып төсек тартып жатып қалған Ибн Масғудты (родиял-лаһу ғанһу) зиярат етіп келген Осман (родиял-лаһу ғанһу): «Шағымың бар ма?»,-деп сұрағанда, Ибн Масғуд (родиял-лаһу ғанһу): «Шағымдансам күнәма шағымданамын»,-дейді.

- Нені қалайсың?

- Алла Тағаланың рахметіне бөленуімді.

- Саған шипагерді шақырайын ба?

- Шипагердің өзі мені науқасқа ұшыратты.

- Саған тиесілі олжаны беруін бұйырайық.

- Тірі шағымда керек етпегенімді енді өлер шағымда бермекшің бе?

- Өзіңе болмаса сенен кейін қыздарыңа пайдасы тиер.

- Менен кейін қыздарым жоқшылыққа ұшырайды деп қорқасың ба? Мен оларға әр түні «Уақиға» сүресін оқуды өсиет еттім. Өйткені, мен мен Нәбидің (солләл-лаһу ғаләйһи уә салләм): «Әр түні «Уақиға» сүресін оқыған адам еш қашан жоқшылыққа ұшырамайды»,-дегенін естіген едім».

Міне, сұрақтың жауабы осы!

Пікір жазу

Керек жерлердің бәрін (*) толтырғандығыңызға көз жеткізіңіз.
HTML-кодтарға тиым салынған

Жоғарыға