Анасыз дүниеге келген жеті жаратылыс. Жауабы...

Өз-өзіңді шыңда!

Құранда анасыз дүниеге келген жеті жан иесі жайында айтылған. Ол қандай жаратылыс?

Жауабы:

1-2. Адам (ғаләйһис-саләм) және Хауа ана. Адам (ғаләйһис-саләм) топырақтан, ал Хауа анамыз оның қабырғасынан жаратылған еді. Бұл жайында «Ниса» сүресінің 1-ші аятында айтылған.

3. Солих пайғамбардың (ғаләйһис-саләм) түйесі. Солихтың (ғаләйһис-саләм) түйесі жартастан жаратылған еді. Бұл жайында «Ағраф», «Һуд» және «Шуғара» сүрелерінде айтылған.

4. Ибраһим пайғамбардың (ғаләйһис-саләм) қошқары. Ибраһим (ғаләйһис-саләм) жалғыз ұлы Исмаилды (ғаләйһис-саләм) құрбандыққа шаламын деп әрекет еткенде Хақ Тағала көктен бір қошқар жібереді. Содан бастап құрбандыққа мал шалу үрдісі қалыптасты. Осылайша адамзат перзенттерін құрбандыққа шалу індетінен құтқарылды. Бұл жайында «Соффат» сүресінде айтылған.

5. Мұса пайғамбардың (ғаләйһис-саләм) аса таяғы. Бұл жайында «Ағраф» және «Нәмл» сүресінде айтылған. Мұсаның (ғаләйһис-саләм) қолындағы аса таяғына жан бітіп жыланға айналады.

6. Қарға. Бұл жайында «Мәида» сүресінің 31-ші аятында айтылған. Қабыл бауыры Һәбілді өлтіреді. Бұл адамзат тарихындағы әуелгі өлім еді. Осы себептен Қабыл Һәбілдің денесімен не істеу керектігін білмейді. Сол кезде оған мәйітті жерлеуді Алла Тағала үйрету үшін қарғаны жібереді.

7. Иса пайғамбар (ғаләйһис-саләм) жаратқан құс. Бұл жайында «Әли Имран» сүресінің 49-шы аятында айтылған. Кәпірлер Исадан (ғаләйһис-саләм) мұғжиза көрсетуін талап етеді. Сонда Иса (ғаләйһис-саләм) балшықтан құстың мүсінін жасап кейін оған үреді. Сол сәтте Алла Тағаланың қалауымен мүсінге жан бітеді.

Толығырақ ...

Жүз жылдан соң қайта тірілген адам. Жауабы...

Өз-өзіңді шыңда!

Құранда жан тапсырып, жүз жылдан соң қайта тірілген адам жайында айтылған. Ол кім?

Жауабы: жан тапсырып жүз жылдан соң қайта тірілген – Ғузайр есімді пенде.

Қосымша мәліметті мына сілтемеден оқыңыз: http://www.nurotau.kz/index.php/ma-alalar/item/2939-ғузайр-қыссасы

Толығырақ ...

Ислам соғысшыл дін бе? Жауабы...

Өз-өзіңді шыңда!

Қазіргі уақытта дінімізге жала жабатындар баршылық! Өйкінішке орай солардың қатарында өзін «мұсылманмын» дегендер де баршылық?!

Сол жаланың бірі – «Ислам қант төгіске, террорға үндейді» деген сөз.

Адамдар, солардың ішінде әсіресе мұсылмандар, ойланыңдар! Егер Ислам діні лаңкестер мен қанышерлер діні болса, Құран «өлтіріңдер, тонаңдар, тартып алыңдар, басыныңдар» деген сөзге толы болар еді. Ал ақиқатында қалай? Осыған орай назарларыңызға мына сұрақты ұсынамыз! Құранда қазіргі күні көптің төбе шашын тік тұрғызған «жиһад» жайында Құранның қанша аятында айтылған?

Сұрақтың жауабы: Құранда жиһадқа қатысты жеті ғана аят бар. Ол:

1. «Анфәл», 72 аят.

2. «Анфәл», 74 аят.

3. «Тәуба», 100 аят.

4. «Тәуба», 122 аят.

5. «Хужүрат», 15 аят.

6. «Нұр», 55 аят.

7. «Сафф», 10 аят.

Бір ерекшелігі осы аяттың бірінде де басқыншылыққа шақырмаған. Осыдан соң біреулердің «Ислам соғысшыл дін» дегені қаншалықты орынды?!

Толығырақ ...

Құранда есімі аталған сахаба. Жауабы...

Өз-өзіңді шыңда!

Ғалымдардың айтуынша сахабалар (родиял-лаһу ғанһум саны 100 мыңнан астам болған. Біреулер «124 мың болған» дейді. Бірақ бұл негізсіз. Оларды сол кезде кім санапты десің? Сондықтан да дұрысы «100 мыңнан астам» деген сөз. Таң қаларлығы, сол 100 мыңнан астам сахабаның біреуінін ғана есімі Құранда нақты аталған. Ол кім деген сахаба?

Сұрақтың жауабы: Құранда «Әхзаб» сүресінің 37-ші аятында «Зәйд» есімі аталған. Бұл сахабаның толық есімі: Зәйд ибн Хариса Әл-Кәлби (родиял-лаһу ғанһу).

Құранда Зәйдтың (родиял-лаһу ғанһу есімі аталуына Пайғамбарымыздың (солләл-лаһу ғаләйһи уә салләм Зәйдтың (родиял-лаһу ғанһу әйелі Зайнаб бинт Жәхшқа (родиял-лаһу ғанһа үйленуі себеп болды. Яғни, Пайғамбарымыздың (солләл-лаһу ғаләйһи уә салләм өзі Зайнапты (родиял-лаһу ғанһа өзінің өкіл ұлы Зәйдқа (родиял-лаһу ғанһу некелеп берген болатын. Кейін Зәйд (родиял-лаһу ғанһу Зайнабқа (родиял-лаһу ғанһа талақ бергеннен кейін оны өзіне Пайғамбарымыз (солләл-лаһу ғаләйһи уә салләм некелеп алды. Мұның мәнісі: мушриктердің «өкіл ұлы үйленген әйелге оның өкіл ұлы үйленуіне болмайды» деген дәстүрін мансұқ етіп, ислам шариғатының үстемділігін көрсету болды.

Зәйд ибн Хариса (родиял-лаһу ғанһу балалық шағында тұтқындыққа түсіп қалады. Оны Хаким ибн Хизам (родиял-лаһу ғанһу сатып алып Хадиша анамызға (родиял-лаһу ғанһа құл ретінде сый етеді. Хаким ибн Хизам (родиял-лаһу ғанһу сатып алып Хадиша анамыздың (родиял-лаһу ғанһа туысы болатын. Кейін Хадиша анамыз (родиял-лаһу ғанһа Пайғабарымызға (солләл-лаһу ғаләйһи уә салләм тұрмысқа шыққанда Зәйдты (родиял-лаһу ғанһу оған сый етеді, ал Пайғамбарымыз (солләл-лаһу ғаләйһи уә салләм Зәйдты (родиял-лаһу ғанһу өзіне өкіл бала етіп алады.

Пайғабарымызға (солләл-лаһу ғаләйһи уә салләм пайғамбарлық түскеннен кейін Зәйд (родиял-лаһу ғанһу дінді қабылдаған екінші адам болады. Ол мұсылман болғаннан кейін зайыбы Умму Аймун да (родиял-лаһу ғанһа дінді қабылдайды.

Зәйдке (родиял-лаһу ғанһу Пайғамбарымыздың (солләл-лаһу ғаләйһи уә салләм өкіл ұлы болу бағы нәсіп болады. Пайғамбарымыз (солләл-лаһу ғаләйһи уә салләм оны ерекше жақсы көріп: «Зәйдты ерекше жақсы көргенім үшін мені айыптамаңдар!»,-дейтін.

Өзінің мергендігімен әйгілі болған Зәйд (родиял-лаһу ғанһу Бәдр, Ухуд, Хандақ, Худайбийа, Хайбаре, Мута т.б. ғазауаттарға қатысып, Фардат, Жәмум, Ғаис, Тараф, Хашими, Фазафиз т.б. шайқастарда қолбасшы болған сахаба. Бұл мәселеге қатысты Айша анамыз (родиял-лаһу ғанһа былай деген еді: «Расулуллаһ (солләл-лаһу ғаләйһи уә салләм бір әскер жіберсе оның қолбасшысы етіп Зәйдты (родиял-лаһу ғанһу тағайындайтын. Егер Зәйд (родиял-лаһу ғанһу Нәбиден (солләл-лаһу ғаләйһи уә салләм кейін өмір сүрсе еді оның халифасы болар еді». (Ахмад)

Зәйд (родиял-лаһу ғанһу һижри 8-ші жылы (629 ж. византиялықтарға қарсы Мута шайқасында қаза табады. Сол шайқаста Зәйд (родиял-лаһу ғанһу мұсылмандардың туын ұстап тұрып шаһид болады.

Толығырақ ...

Екі жәндік бар сөйлеген. Жауабы...

Өз-өзіңді шыңда!

Келесі сұрақ! Екі жәндік бар, Құранда олардың сөйлегені баян етілген. Ол қандай жәндік?

Құранда екі жәндіктің сөйлегені баян етілген. Ол «Нәмл» сүресіндегі бәбісек пен құмырсқа.

Толығырақ ...

«Алла» сөзі әрбір аятында айтылған сүре. Жауабы...

Өз-өзіңді шыңда!

Келесі сұрақ! Құранда бір сүре бар, оның әрбір аятында «Алла» лебізі айтылған. Ол қандай сүре?

Жауабы: Құранның «Мужәдалә» сүресінде әрбір аятында «Алла» лебізі айтылған. «Мужәдалә» сүресінде 22 аят болса, сол аяттарда «Алла» лебізі 40 рет айтылған.

«Мужәдалә» сүресі:

- Құранның 58 сүресі.

- Аят саны – 22.

- Сүредегі сөз саны – 475.

- Сүредегі әріп саны – 1991.

- Мадинада «Мунафиқун» сүресінен кейін түсірілген.

Құранның 58-ші сүресі «Мужәдалә» (сөз тартыс деп аталудың мәнісі – онда Хаулә бинт Сағләба есімді әйел Пайғамбарымызбен (солләл-лаһу ғаләйһи уә салләм сөз тартысқа түскені жайында баян етілген.

«Мужәдалә» сүресінің әрбір аятында «Алла» лебізі айтылудың срына келер болсақ, бұған қатысты осы кезге дейін анық-қанды жауап жоқ!

Анығы Алла Тағалаға мәлім!

Толығырақ ...