Құранда аталған лақаб есім. Жауабы...

Өз-өзіңді шыңда!

Құранда аталған жалғыз лақаб есім бар. Ол кімнің лақаб есімі және қандай сүреде аталған?

Ол – Әбу Ләһабты. Өзінің есімі: Омар ибн Абдулмутталиб.

«Әбу Ләһаб» лақабы Құранның «Мәсад» сүресінде аталған.

«Лақаб» деген не? Лақаб – адамды сипаттайтын қосымша есім. Бұл үрдіс араб ортасында кеңінен тараған. Мәселен, Әбу Абудаллаһ – Абдуллаһтың әкесі. Бұл жағдайда адам сипаттамасы айтылып тұр. Ол – әкесі, кімнің – Абдуллаһтың.

Лақабқа мысал ретінде сахабалардың лақаб есімдерін келтірсе болады. Мәселен, Омар ибн Хаттаб – Фаруқ (ақиқат пен жалғанның арасын бөлүші), Әли ибн Әби Толиб – Әбу Тураб (топырақтың әкесі т.с.с.

Жалпы араб тілінде лақабтың бірнеше түрі бар. Бірақ мұнда бізге керегі Құрандағы бір пенденің лақабы. Ол – Әбу Ләһаб.

Әбу Ләһаб – Пайғамбарымыздың (солләл-лаһу ғаләйһи уә салләм әкесі Абдуллаһтың туған бауыры.

Пайғамбарымыздың (солләл-лаһу ғаләйһи уә салләм жақын туысы болғанына қарамастан Әбу Ләһаб діннің қас жауы болып, Пайғабарымызға (солләл-лаһу ғаләйһи уә салләм зұлымдық жасауда алдыңғы қатарда болды. Мәселен, Пайғамбарымыз (солләл-лаһу ғаләйһи уә салләм өзінің пайғамбар екенін жариялағанда өзге біреу емес, дәл сол Әбу Ләһаб: «Құрып кеткір!»,-деп қарғаған еді. Соның есесіне оның өзі Алла Тағаланың қарғысына ұшырады. Нәтижеде Әбу Ләһаб жұқпалы ауруға ұшырап, жаман өліммен өлді және өлгеннен кейін денесі бірнеше күн жерленбей шіріп-сасып жатып қалды. Амалдың жоғынан балалары бір ор қазып соған әкелерінің денесін ағашпен итермелеп түсірді де, кейін көіп тастады. Әбу Ләһабтың осы дүниедегі жазасы осындай болды, қабыр мен Ақыреттегісі тағы бар.

Толығырақ ...

Құранда аталған ақша түрі. Жауабы...

Өз-өзіңді шыңда!

Құранда бір ғана ақша түрі бар. Ол қандай ақша түрі және ол жайында қандай сүреде айтылған?

Жауабы: Құранда ақшаның нақты екі түрі аталған:

1. Динар. («Әли Имран», 75 аят)

2. Дирһам. («Юсуф», 20 аят)

Толығырақ ...

Құранда аталған жалғыз мемлекет. Жауабы...

Өз-өзіңді шыңда!

Кеше Құранда аталған жалғыз мемлекет жайында сұраған болатынбыз. Ол қандай мемлекет және Құранда ол жайында қанша рет айтылған?

Бұл сұраққа түрлі жауап болды. Мәселен, «Рум» деген жауап болды. Алайда, Құрандағы «рум» сөзі ұлтқа қатысты, яғни «римдіктер» (ол кездегі византиялықтар).

Хадиша Атамкулова қарындасымыз «Мысыр» атап, имамдардың риуаяттар санын келтірген. Бұл жерде имамдардың «мысыр» (ел баламасы жайында айтылған болса керек.

Енді сұрақтың нақты жауабы: ол – Мысыр (Египет).

Құранда Мысыр балама ретінде емес, мәселен, ел, жер деген сияқты емес, бәлкім нақты «Мысыр» атауымен 5 рет аталған. Ол: «Бақара» сүресінің 61-ші аятында, «Юнус» сүресінің 87-ші аятында, «Юсуф» сүресінің 22-ші және 99-шы аятында және «Зухруф» сүресінің 51-ші аятында.

Толығырақ ...

Пайғамбардың пезенттері. Жауабы...

Өз-өзіңді шыңда!

Пайғамбарымыздың (солләл-лаһу ғаләйһи уә салләм) қанша перзенті болды?

Жауап: Пайғамбарымыздың (солләл-лаһу ғаләйһи уә салләм) жеті перзенті болған. Оның төртеуі – қыз, үшеуі – ұл.

Қыздары: Зайнаб, Руқаййа, Умму Күлсум, Фатима.

Ұлдары: Әл-Қасим, Абдулла, Ибраһим.

Толығырақ ...

Түні бойы намаз оқығанның сауабын алуды қалайсың ба?

Өз-өзіңді шыңда!

Күні бойы ораза ұстап, түні бойы намаз оқығанның сауабын алу үшін не істеу керек?

Жауап: Пайғамбарымыз (солләл-лаһу ғаләйһи уә салләм) былай деген:

اَلسَّاعِي عَلَى الأَرْمَلَةِ وَالْمِسْكِينِ كَالْمُجَاهِدِ فِي سَبِيلِ اللهِ أَوْ كَالَّذِي يَصُومُ النَّهَارَ وَيَقُومُ اللَّيْلَ

«Жесiр мен кедей-жарлыға қамқорлық еткен адам Алла Тағала жолында күрескен немесе күнi бойы ораза ұстап және түнi бойы намаз оқығанмен тең».(Бухари)

Демек, Күні бойы ораза ұстап, түні бойы намаз оқығанның сауабын алу үшін осы хадисте айтылғанды істесе болғаны!

Толығырақ ...

Жәннатқа жетудің ең қолайлы жолы. Жауабы...

Өз-өзіңді шыңда!

Жәннатқа жетудің ең қолайлы жолы қандай?

Жауап: Пайғамбарымыз (солләл-лаһу ғаләйһи уә салләм) былай деген:

من سلك طريقا يلتمس فيه علما سهل الله له به طريقا ً إلى الجنة

«Кім білім жолына түссе, Алла Тағала оған соның себебінен жәннатқа барар жолын жеңілдетеді». (Муслим)

Демек, жәннатқа жетудің ең қолайлы жолы – Ақырет үшін пайдалы ілім іздену.

Толығырақ ...