Омар (родиял-лаһу ғанһу) дінді қабылдауы. Жауабы...

Өз-өзіңді шыңда!

Қай сүре Омар ибн Хаттабтың (родиял-лаһу ғанһу) мұсылман болуына себеп болды?

Жауабы: Омардың (родиял-лаһу ғанһу) дінді қабылдауына «Таһа» сүресінің бастапқы алыт аяты себеп болды. Ол бұл аяттарды қарындасы Фатиманың (родиял-лаһу ғанһа) үйінде оқыған болатын.

Толығырақ ...

Құран түсірілген ай. Жауабы...

Өз-өзіңді шыңда!

Құран Пайғабарымызға (солләл-лаһу ғаләйһи уә салләм) қай айда түсе бастады?

Жауабы: ғалымдардың айтуынша Құран бастапқы аяттары Рамазанның 17-ші жұлдызында түсірілді. Бұл жайында имам Ибн Кәсир (рохматуллаһи ғаләйһи) өзінің «Әл-Бидаясында» баян еткен. Сол кезде «Ғаләқ» сүресінің бастапқы бес аяты түсрілген болатын. Сонымен қатар Құранның бастапқы аяттары Рамазанның 24-ші жұлдызында түсірілді деген де пікір бар. Дегенмен, Құран Рамазан айында түскені жайында ғалымдар бір ауыздан айтқан.

Анығы Алла Тағалаға мәлім!

Толығырақ ...

Пайғамбарлардың есімдерімен аталған. Жауабы...

Өз-өзіңді шыңда!

Құранда пайғамбарлардың есімдерімен аталған сүрелер бар. Соларды атап бер!

Жауабы: Құранның алты сүресі пайғамбарлардың есімімен аталған. Ол: «Юнус», «Һуд», «Ибраһим», «Мухаммад» және «Нух».

«Лұқман» сүресіне келер болсақ, Лұқманның пайғамбар болуы мәселесінде ғалымдардың арасында ихтиләф (түрлі пікір) бар. Дегенмен, ғалымдардың басым көпшілігі Лұқманды пайғамбар емес, бәлкім ізгі, құдайшыл бір пенде деген. Мәселен, имам Ибн Кәсир (рохматуллаһи ғаләйһи) тафсирінде осы пікірді келтірген.

Толығырақ ...

Алла Тағаланың қалауымен қозғалған көлік. Жауабы...

Өз-өзіңді шыңда!

Әдетте көлік қозғалу үшін қозғалтқышқа мұқтаж. Мәселен, арбаны жылқы, автоны қозғалтқыш (мотор) козғалтады.

Құранда бір көлік жайында айтылған. Ол бір қозғалтқыштың күшімен емес, Хақ Тағаланың қалауымен ғана жылжыған. Ол қандай көлік?

Жауабы: «Һуд» сүресінің 41-ші аятында Алла Тағала былай деген:

وَقَالَ ارْكَبُوا فِيهَا بِسْمِ اللّهِ مَجْرَاهَا وَمُرْسَاهَا إِنَّ رَبِّي لَغَفُورٌ رَّحِيمٌ

«Нух (ғаләйһис-саләм): «Кемеге отырыңдар! Оның жүруі де, тұруы да Алланың атымен. Расында Раббым Кешірімді, ерекше Мейірімді»,-деді».

Бұл аятта Нух пайғамбардың (ғаләйһис-саләм) кемесі жайында айтылған. Оның кемесі ешбір қозғалтушы аспапсыз, тек Алла Тағаланың есімі айтылу себебінен жүрген болатын.

Толығырақ ...

Жансыз, бірақ демалатын жаратылыс. Жауабы...

Өз-өзіңді шыңда!

Құранда жансыз, бірақ демалатын бір жратылыс жайында айтылған. Ол не?

Жауап: «Тәкуир» сүресінің 18-ші аятында Алла Тағала:

وَالصُّبْحِ إِذَا تَنَفَّسَ

«Демалған таңға серт»,-деген.

Араб тілінде «تَنَفَّسَ» (танаффаса) сөзінің түпнегізгі мағынасы: демалу. Сонымен қатар «تَنَفُّسٌ» (танаффусун) деп желдің лебін, самалды айтады. «تَنَفَّسَ» (танаффаса) сөзінің «шығу, бөліну» деген де мағыналары бар. Осыған сай ғалымдар «وَالصُّبْحِ إِذَا تَنَفَّسَ» сөзін «таңата бастаған (таң езгіліне) сәтке серт» деп тафсирлеген.

Толығырақ ...

Жалаға ұшыраған жәндік. Жауабы...

Өз-өзіңді шыңда!

Құранда бір қыссада жалаға ұшыраған жәндік жайында айтылған. Ол қандай жәндік?

Жауабы: Құранда бір қыссада жалаға ұшыраған жәндік жайында айтылған. Ол – қасқыр.

Айта кету керек, қасқыр жайында Құранның бір ғана сүресінде айтылған. Ол – «Юсуф» сүресі. Сонымен қатар «ذِئْبٌ» (қасқыр) сөзі «Юсуф» сүресінде үш рет айтылған: 13, 14 және 17 аяттарында.

Әкесі Юсуфты (ғаләйһис-саләм) өзгеше жақсы көреді. Мұны байқаған Юсуфтың (ғаләйһис-саләм) баурларында қызғаныш пайда болады да, олар Юсуфтың (ғаләйһис-саләм) көзін құртуын ойластыра бастайды. Бір күні олар әкесіне келіп аң аулауға шығатынын айтады әрі өздерімен бірге бауырлары Юсуфты (ғаләйһис-саләм) жіберуін сұрайды. Бұған қарсы болған сол кезде-ақ Юсуф (ғаләйһис-саләм) қараусыз қалып, қасқырға жем болатынынан қауіптенетінін айтады. Алайда, бауырлары әкесін  өз дегендеріне көндіріп, Юсуфты (ғаләйһис-саләм) өздерімен бірге алып кетеді. Кейін орманға барып бауырлары Юсуфты (ғаләйһис-саләм) бір құдықтың ішіне қалдырып, бір қозыны бауыздайды да оның қанын Юсуфтың (ғаләйһис-саләм) көйлегіне жағады. Кейін сол көйлекті әкелеріне алып барады да: «Юсуф бауырымызды қасқыр жеп қойды»,-дейді.

Алайда, әкелері ұлдары өтірік айтып тұрғанын түсініп қояды. Өйткені, қан жағылған Юсуфтың (ғаләйһис-саләм) көйлегі жыртылмаған еді. Мұны байқаған Юсуфтың (ғаләйһис-саләм) әкесі: «Менің сүйікті ұлым Юсуфты (ғаләйһис-саләм) жеп, көйлегіне тимеген бұл қасқыр неткен мейірімді еді?!»,-дейді.

Осылайша қасқырға жала жабылған еді.

Толығырақ ...