Сымбатты ететін төрт нәрсе. Жауабы...

Өз-өзіңді шыңда!

Сымбатты ететін төрт нәрсе бар. Сол не нәрсе? 

Жауап: жүзге сымбаттылықты нәсіп ететін төрт нәрсе, ол: тақуалық, уәдеде тұру, жомарттық және бекзаттық.

Толығырақ ...

Жүзді ұсқынсыз ететін төрт нәрсе. Жауабы...

Өз-өзіңді шыңда!

Төрт нәрсе жүзді ұсқынсыз етеді. Сол не нәрсе? 

Жауабы: жүздің көркін кетіретін төрт нәрсе – өтірік сөйлеу, ұятсыздық, өзіне қатысы жоқ нәрсе жайында сұрау және зинақорлық (ойнастық).

Толығырақ ...

Денені қартайтатын төрт нәрсе. Жауабы...

Өз-өзіңді шыңда!

Жоғарыда денені кеселге ұшыртатын төрт нәрсе жайында айттық. Ендігі кезекте денені қартайтатын төрт нәрсе жайында айтсақ. Сол не нәрсе?

 

Жауап: денені қартайтатын төрт нәрсе – дүние ісіндегі бос әурешілдік пен күйзеліс, шектен тыс аштық пен ұйқысыздық.

Толығырақ ...

Денені кеселге ұшырататын төрт нәрсе. Жауабы...

Өз-өзіңді шыңда!

Денені кеселге ұшыртатын төрт нәрсе бар. Сол не нәрсе?

Жауап: денені кеселге ұшырататын төрт нәрсе – көп сөйлеу, көп ұйықтау, көп жеу және ретсіз көп жыныстық қатынас жасау.

Ғалымдар осы төрт нәрсені түрлі кеселдің бастамасы ретінде қарастырған.

Сонымен қатар хадисте де осы төрт нәрсенің зияндығы жайында баян етілген. Мысалы, көп сөйлеу:

من كان يؤمن بالله واليوم الآخر فليقل خيرا أو ليصمت

«Алла Тағалаға және Ақырет күніне иман келтірген адам жақсы сөз айтсын немесе үндемесін». (Бухари)

Көп ұйықтау:

لا تكثر النوم بالليل، فإن كثرة النوم بالليل تترك الرجل فقيرا يوم القيامة

«Түнде көп ұйықтама. Себебі, түнде көп ұйықтау пендені Қиямет күні кедей етеді». (Ибн Мажәһ)

Яғни, түннің бір бөлігін құлшылыққа арнаған жөн. Болмаса, Ақыретте пенде түнгі құлшылық сауабынан мақұрым қалады.

Тамақтануға қатысты Расулуллаһ (солләл-лаһу ғаләйһи уә салләм) асқазанның үштен бірі тамаққа, үштен бірі суға және үштен бірі ауаға толтыру керектігі жайында айтқан. (Тирмизи) 

Ал ретсіз көп жыныстық қатынас жасау жайында хадисте айтылмағанымен, ғалымдардың кейбірі оның зияндығы жайында айтқан.

Толығырақ ...

Пайғамбарымыздың с.ғ.с. алғашқы өсиеті. Жауабы...

Өз-өзіңді шыңда!

Қасиетті Меккеден Нұрлы Мадинаға һижрат еткеннен кейін Пайғамбарымыз (солләл-лаһу ғаләйһи уә салләм) ең алдымен нені өсиет етті?

Жауабы: Расулуллаһ (солләл-лаһу ғаләйһи уә салләм) Меккеден Мадинаға келген сәтінде ең алғашқы айтқан өсиеті:

يَا أَيُّهَا النَّاسُ! أَفْشُوا السَّلاَمَ، وَأَطْعِمُوا الطَّعَامَ، وَصِلُوا الأَرْحَامَ وَصَلُّوا وَالنَّاسُ نِيَامٌ، تَدْخُلُوا الْجَنَّةَ بِسَلاَمٍ

«Уа, адамдар! Өзара сәлемдесiңдер. Мұқтаждарды тамақтандырыңдар. Туыстарыңмен қатынасты үзбеңдер. Басқалар ұйқыда жатқанда, сендер намаз оқыңдар. Осылай iстесеңдер жәннатқа аман-есен кiресiңдер».

Бұл хадисті Имам Тирмизи Абдуллаһ ибн Саләмнан (родиял-лаһу ғанһу) риуаят еткен.

Абдуллаһ ибн Саләм (родиял-лаһу ғанһу) – мадиналық яһуди монахтарының бірі.

Абдуллаһ ибн Саләм (родиял-лаһу ғанһу) Мадинада Нәбиді (солләл-лаһу ғаләйһи уә салләм) асыға күткен ел ішінде болды. Ол кезде Абдуллаһ ибн Саләм (родиял-лаһу ғанһу) әлі мұсылмандықты қабылдамаған болатын.

Расулуллаһ (солләл-лаһу ғаләйһи уә салләм) Құбаға жеткенде оны қарсалған жұртқа өсиет айтып, осы сөздерді айтқан болатын. Сол кезде оны көрген Абдуллаһ ибн Саләм (родиял-лаһу ғанһу) иманға келді. Осыған қатысты Алла Тағала «Әхқаф» сүресінің 10-шы аятында былай деген:

وَشَهِدَ شَاهِدٌ مِنْ بَنِي إِسْرَائِيلَ 

«Бәни Исраилдік біреу Тауратқа куә болды».

Толығырақ ...

Оразаны ұстаған алғашқы адам. Жауабы...

Өз-өзіңді шыңда!

Адамзат тарихындағы бірінші болып ауыз бекіткен адам кім?

Жауабы: ғалымдар бұл мәселеге қатысты түрлі көзқараста. Мәселен, имам Суютый (рохматуллаһи ғаләйһи) өзінің «Әл-Уасаил илә мағрифатил-ауаил» еңбегінде бірінші болып ораза Адам (ғаләйһис-саләм) ұстағаны жайында айтқан. Ол ай сайын үш күн ораза ұстайтын. Дәл осы Ибн Ғасакир (родиял-лаһу ғанһу) Абдуллаһ ибн масғудтан (родиял-лаһу ғанһу) риуаят еткен.

Сонымен қатар Ибн Әби Хатимнің (родиял-лаһу ғанһу) риуаятында Ад-Даххак (родиял-лаһу ғанһу) бірінші болып ауыз бекіткен Нух пайғамбар (ғаләйһис-саләм) болғаны жайында айтылған.

Көріп тұрғанымыздай бұл мәселе ихтиләфи, яғни ғалымдар түрлі көзқараста болған мәселе.

Ал Ислам дінінде ауыз бекіткен бірінші адам – пайғамбарымыз Мухаммад (солләл-лаһу ғаләйһи уә салләм). Бұл мәселе күмәнсіз!

Басында Пайғамбарымыздың (солләл-лаһу ғаләйһи уә салләм) оразасы парыз болмайтын. Соған қарамастан оған еріп сахабалар да (родиял-лаһу ғанһум) ауыз бекітетін. Тек һижри екінші жылдан бастап мұсылмандар жаппай Рамазан айының парыз оразасын ұстай бастады. 

Анығы Алла Тағалаға мәлім!

Толығырақ ...