Иманның дәмін кім сезінеді?

عن عباس بن عبد المطلب أن رسول الله صلى الله عليه وسلم يقول: ذَاقَ طَعْمَ الإِيمَانِ مَنْ رَضِيَ بِاللهِ رَبًّا، وَبِالإِسْلامَ دِينًا، وَبِمُحَمَّدٍ رَسُولاً

Расулуллаһ (солләл-лаһу ъаләйһи уә салләм) айтады: «Раббысы – Алла Тағала, діні – Ислам, пайғамбары – Мұхаммед (солләл-лаһу ъаләйһи уә салләм) болғанына разы болған адам иманның дәмін сезінеді».

Хадистi Әл-Аббас ибн Абдулмутталибтен (родиял-лаһу ъанһу) Имам Муслим риуаят еттi.[1]

Разы болу – бір нәрсеге қанағат етіп, содан өзгені қаламау.[2]

Алла Тағаладан өзге тәңірі болуын қаламау. Исламнан басқа дінді ұстанбау. Мұхаммед пайғамбардың (солләл-лаһу ғаләйһи уә салләм) көрсеткен шариғатынан тыс жолға ермеу. Бойында осы сипат болған жан иман ләззатын сезінуі хақ. Ал иманның ләззатын сезіну, өз кезегінде, дін талаптарына бойсұнуды жеңілдетеді.

«Намаз оқысам ба?»,-деп жүргендер бар. Кейін намазды бастап, соң тастап кетіп жатқандар да қанша ма! Әрине, мұндай келеңсіздікке түрлі нәрсе себеп болады. Дегенмен, сол себептердің бастысы – пенде иманның шырын дәмін сезінбеуінде.

Біреулер бар бес уақыт парыз намазын қаза етпейтін. Тағы біреулер бар парыз намазын оқумен шектелмей нәпіл намаздарын оқитын. Тағы біреулер бар түнін намазбен өткізетін. Осының сыры неде? Мұның сыры – осы хадисте айтылған иманның шырын дәмін сезінуде. Бұл неден басталды? Пікірлеуден. «Мен кіммін? Мен қайдан келдім және қайда барамын? Мен не мақсатта өмр сүремін?»,-деген сұраққа жауап іздеуден. Мына үш ақиқатты ұғынумен:

- бар істің нәтижесі – Хақ Тағаланың қолында.

- барша адами құнды қасиеттер – Ислам дінінде.

- екі дүниенің бағы – пайғамбарымыз Мұхаммедтің (солләл-лаһу ғаләйһи уә салләм) сүннетіне еруде.

Хақ Тағала баршамызға иманның шырын дәмін сезінуді нәсіп еткей! Әмин!



[1]‏صحيح مسلم، 1 - كتاب الإيمان، 11 - باب الدليل على أن من رضي بالله ربا وبالإسلام دينا وبمحمد صلى الله عليه وسلم  رسولا، فهو مؤمن، ولإن ارتكب المعاصي الكبائر، الحديث رقم 56

[2]‏صحيح مسلم بشرح النووي

Толығырақ ...

Өлгеннен кейін қайта тірілуге сену

Бүгінгі күні күрделі әрі шиеленісті мәселе жеткілікті. Мысал ретінде жылдан-жылға өрбіп бара жатқан қылмыс санын алайық. Сол қылмысты болдырмау үшін қоғам түрлі заң шығарады, полиция мен көшедегі камера санын көбейтеді. Тағысы тағы бар. Алайда, қылмыс саны жылдан-жылға көбеймесе азайып жатқан жоқ. Бұл күрделі мәселені шешудің бірден-бір жолы – адамдар өлгеннен кейін қайта тірілуіне сендіру қажет. Дәл осы сенім көптеген адамды қылмыстан тоқтатары сөзсіз. Өйткені өлгеннен кейін қайта тірілуіне сенген адам жазадан құтыла алмайтынын нақ біледі, қылмыстың жазасы бұл дүниеде болмаса да о дүниеде берілетініне шәксіз сенеді. Сондықтан ол қылмысқа бармайды.

Толығырақ ...

Не күшті? Иман ба, нәпсі ме?

Мүмин пенденің ғұмырын өмір бойына созылған күреспен салыстырса болады. Бұл күрес – иман мен нәпсі күресі. Майданы – пенденің жүрегі. Осы майданда иман мен нәпсі пенде үшін оның соңғы деміне дейін күреседі әрі сол күресте иман пендені жәннатқа тартса, нәпсі тозаққа сүйрейді. Бұл күресте не жеңеді? Иман ба, әлде нәпсі ме? Бар мәселе пенденің таңдауында! Қияметте Хақ Тағаланың разылығы мен Пайғамбарымыздың (солләл-лаһу ғаләйһи уә салләм) шапағатына лайық болуын қалаған пенде иманын шариғат талабына сай ізгі амалмен қуаттандырады әрі бұл ісінде Хақ Тағалаға сүйенеді. Сол сүйенудің бірден-бір бейнесі – үнемі Алла Тағаланы еске алып, дұға-тілекте болу. Себебі:

اَلدُّعَاءُ سِلاَحُ الْمُؤْمِنِ وَعِمَادُ الدِّينِ وَنُورُ السَّمَوَاتِ وَالأَرْضِ

«Дұға – муминнiң қаруы, дiннiң тiрегi, аспан мен жердiң нұры».

Хадистi Әбу Һурайрадан (родиял-лаһу ғанһу) Имам Хаким және Имам Әш-Шәукәни риуаят еттi.

Толығырақ ...

Жүрек тілмен айтқанын растауы

Әрбір мұсылман құлшылықта ықыласты болып, парыздарды орындап, Алла Тағаланың арам еткенінен тыйылуы тиіс. «Жүрегі тілмен айтқанын растау» дегеніміз осы! Осы халде жантәсілім болған пенде міндетті түрде жәннатқа кіреді. Ал иманы бола тұрып күнә істеген және сол күнәдан тәубе етпестен көз жұмған пенденің ахуалы қандай болмақ?

Хауариждер үлкен күнәні істегенді кәпір десе, муғтәзилдер үлкен күнә істеген мәңгі дозақы дейді. Бұл екі көзқарас Алла Тағалаға жала жапқанмен тең.[1] Сондықтан мұндай көзқарас әһлүс-суннә уәл-жәмаға ұстанымына қайшы. Әһлүс-суннә уәл-жәмағаның бұл мәселедегі ұстанымы: күнәһар мүмин пенде Алла Тағаланың қалауында болады – Хақ Тағала қаласа ондай пендесін күнәсіна сай жазалайды, қаласа Өз кеңшілігімен кешіріп жәннаты етеді.



[1]فيض القدير، شرح الجامع الصغير

Толығырақ ...

Үш түрлі мұсылман

Жаратушы Ие «Фатыр» сүресінің 32-33 аятында былай деген:

ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا فَمِنْهُمْ ظَالِمٌ لِنَفْسِهِ وَمِنْهُمْ مُقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ذَلِكَ هُوَ الْفَضْلُ الْكَبِيرُ جَنَّاتُ عَدْنٍ يَدْخُلُونَهَا

«Сосын Кітапты өзіміздің таңдаулы құлдарымызға мұра еттік. Олардың ішінде өздеріне зұлымдық ететіндері, орташа болғандар және Алланың қалауымен игілік істеуде озатындар болады. Міне, осы – ұлы мәрхамет.Олар ғадын жаннаттарына кіреді».

Бұл аяттағы:

- өздеріне зұлымдық ететіндері – Құранға толық бойсұнбайтындар.

- орташа болғандар – көбінде Құранға бойсұнғандар.

- игілік істеуде озатындар – Құранға барынша бойсұнғандар.

Осы аяттың тафсирінде Пайғамбарымыз (солләл-лаһу ғаләйһи уә салләм):

هؤُلاَءِ كُلّهُمْ بِمنْزلَةٍ وَاحِدَةٍ وكُلّهُمْ في الجَنّة

«Осының бәрі – бір орында, барлығы да - жәннатта»,-деген.[1]



[1]‏تحفة الأحوذي للمباركفوري، 46 - كتاب تفسير القرآن عن رَسُولِ الله صلى الله عليه وسلم، 1841 - باب ومن سورة الملائكة، الحديث رقم 3344

Толығырақ ...

Залымдықта өзгелерден асып түскен

Төменде назарларыңызға залымдықта өзге адамзаттан асып түскен 5 адамның есімін ұсынамыз. Бұл бес адам миллиондаған адамның өлуіне себепкер болған. Құдайға шүкір, төртеуі де мұсылман емес.

1. Франсиско Эрнандес де Кордоба

Испандық зерттеуші. Франсиско Эрнандес де Кордоба 1517 жылы Солтүстік Америкадағы Ютакан жартыаралын зерттеу нәтижесінде әлемді темекі тарту дертіне дағдыландырған адам. Бүкіләлемдік денсаулықты сақтау ұйымның деректеріне сүйенер болсақ, әлемде жыл сайын 7 миллионнан астам адам темекі тарту нәтижесінде көз жұмады. Оған темекі тартудың нәтижесінде ауырған адамдарды қосыңыз!

2. Джефри Амхерст

1763 жылы америкалық индеецтерімен соғысқан британдық генерал Джефри Амхерст индеецтерге шешекпен ауырған адамдарды жабу үшін қолданылған көрпелерді беруді бұйырады. Кейбір деректерге қарағанда оның сол сұрқия әрекетінің себебінен 15 миллионға жуық индеец шешек дертінен өлген.

3. Сталин

Кейбір деректерге қарағанда Сталиннің бастауымен 4 миллионға жуық адам репрессияға ұшыраған. Бұл репрессияға ұшырағандардың саны. Оның артында жетім қалған, қамқоршысынан айырылып аштан өлген т.с.с. адам қанша?!

4. Адольф Гитлер

Итальяндық Бенито Муссолинидің фащисттіқ идеясын жүзеге асырған адам. Кейбір деректерге қарағанда, Адольф Гитлер 1937 жылы бастап берген Екінші дүниежүзілік соғыстың нәтижесінде 50 миллион адам қаза тапқан.

5. Франклин Рузвельт

АҚШ президенті. 1945 жылдың 6-9 тамызында Японияның Хиросима және Нагасаки қалаларына екі атом бомбаларын тастауды бұйырған. Нәтижеде 200 мыңнан астам жапондық қаза тапқан.

Толығырақ ...