Ең қайырлы дүние!

Пайғамбарымыз (солләл-лаһу ғаләйһи уә салләм) былай деген:

قلبٌ شاكر،ولسانٌ ذاكر،وزوجةٌ صالحة تعينُك على أمر دنياك ودينك، خيرُ ما اكتنز الناس

«Шүкір етуші жүрек, зікір етуші тіл, дүние және дін ісіне болысқан жұбай – осы адамдардың бар жиған-тергенінен қайырлы». (Байһақи)

Хақ Тағала бізге осының бәрін нәсіп еткей! Әмин!

Толығырақ ...

Адамдардың айыбын жасыру керек!

Өзгелердің айыбын жасыру керек, себебі Пайғамбарымыз (солләл-лаһу ғаләйһи уә салләм) былай деген:

مَنْ سَتَرَ مُسْلِماً سَتَرَهُ اللهُ يَوْمَ الْقِيَامَةِ

«Кiм бұл дүниеде мұсылманның айыбын жасырған болса, Алла Тағала оның айыбын Қияметте жасырады».(Тирмизи)

«Жаңылмайтын жақ, сүрінбейтін тұяқ болмайды» демекші, күнә-айыпсыз пенде болмайды. Себебі күнә істеу, қателесу – адамзатқа тән нәрсе. Осы жағдайда мына пәниде өзгенің айыбын жасырған пенденің айыбы Қияметте жасырылады. Яғни, Алла Тағала өзгенің кемшілігін жасырған пендесінің есеп-қисабын жеңілдетіп, кемшілігін өзгелерден жасырады.

Толығырақ ...

Ғибрат!

Юсуф пайғамбардың (ғаләйһис-саләм) бауырлары оны өлтіруін қалған еді, Юсуф (ғаләйһис-саләм) өлмеді.

Кейін бауырлары оның атын өшіруін қалаған еді, Хақ Тағала Юсуфтың (ғаләйһис-саләм) атын әлемге паш етті.

Біреулер Юсуфты (ғаләйһис-саләм) құлдыққа сатқан еді, Алла Тағала оны азат етіп, уәзір етті.

Тұжырым: пенделер білгенін істесін, айналып келгенде Алла Тағаланың қалағаны болады. Мәселе – пенденің істегені Хақ Тағаланың разылығына лайық болуында!

Толығырақ ...

Нәресте шетінесе...

Екі перзенті қайтыс болған Әбу Хассан (родиял-лаһу ғанһу) Әбу Һурайрадан (родиял-лаһу ғанһу) Пайғамбарымыздың (солләл-лаһу ғаләйһи уә салләм) шетінеп кеткен нәрестелер жайында айтқан хабары жайында сұрағанда, Әбу Һурайра (родиял-лаһу ғанһу) Пайғамбарымыздың (солләл-лаһу ғаләйһи уә салләм) мына сәлемдемесін айтып сүйіншіледі: «Ерте шетінеген нәрестелер – жәннаттың кенжетайлары. Қияметте олар ата-аналарымен кездеседі және олар, Алла Тағала оларды және ата-аналарын жәннатқа кіргізбейінше, ата-аналарының киімдерінен (немесе қолынан) ұстап тұрады». (Муслим)

Толығырақ ...

ЖЕТІ ЖАҒДАЙДА СӨЗ ҚОЗҒАМА

1. Кедейдің қасында дүниең туралы.

2. Науқастың алдында деніңнің саулығы жайында.

3. Әлсіздің алдына күш-қуатың жайлы.

4. Жолы болмай жүрген кісінің алдында бақытты екенің турады.

5. Түрмедегі кісінің алдында бостандығың жайында.

6. Бедеу кісінің алдында балаларың туралы.

7. Жетімнің алдында әке-шешең жайлы.

Егер осылардың алдында осы сөзді айтар болсаң – оларды пышақсыз бауыздағаның.

Толығырақ ...

Сахабалар осындай еді!

Бір күні Әбу Зарр (родиял-лаһу ғанһу) Пайғамбарымыздың (солләл-лаһу ғаләйһи уә салләм) азаншысы Биләлға (родиял-лаһу ғанһу): «Ей, қараның баласы!»,-дейді. Сонда Биләлдің (родиял-лаһу ғанһу) ашуы келіп: «Мен бұл дегеніңді Нәбиге (солләл-лаһу ғаләйһи уә салләм) айтамын»,-дейді.

Пайғамбарымыз (солләл-лаһу ғаләйһи уә салләм) болған жағдайды естігенде ашуланып: «Ей, Әбук Зарр! Сенің бойыңда әлі надандық бар екен»,-дейді.

Бұл кімнің айыптауы еді? Пайғамбарымыздың (солләл-лаһу ғаләйһи уә салләм)!

Қателескенін түсінген Әбу Зарр (родиял-лаһу ғанһу) жылап: «Уа, Расулуллаһ! Мен үшін Алла Тағаладан кешірім тілеңізші»,-деп мешіттен шығып кетедіде Биләлдің (родиял-лаһу ғанһу) алдында жерге жатып: «Құдай ақы! Жүзімді аяғыңмен таптамайынша басымды жерден көтермеймін»,-дейді. Мұны көрген Биләл (родиял-лаһу ғанһу) көзіне жас алып Әбу Заррды (родиял-лаһу ғанһу) бетінен сүйедіде: «Құдай ақы! Алла Тағалаға бір рет сәжде еткен бетті аяғыммен баса алмаймын»,-деп Әбу Заррды р.д.ғ. жерден тұрғызады. Осы жерде екі сахаба құшақтасып көз жасына шомиды.

Сахабалар осындай еді!

Толығырақ ...