Қадір сүресінің мұғжизалары. Жалғасы...

«Қадр» сүресінің сандық мұғжизалары

«Қадр» сүресіндегі мұғжизаны екі түрге бөлсе болады:

- сандық;

- тілдік (лингвистикалық).

Алдымен осы сүренің сандық мұғжизаларына тоқтала кетсек!

Бірінші мәселе: араб нұсқасында «Әл-Қадр» сөзі бес әріптен тұрады:

القدر – әлиф, ләм, қоф, дәл, ра. Ал Исламның бес негізі (парызы) бар:

- Иман;

- Намаз;

- Ораза;

- Зекет;

- Қажылық.

Екінші мәселе: «Қадір» сүресі бес аяттан тұрады. Ал Ислам мұсылман үмметіне бес уақыт намазды парыз еткен.

Үшінші мәселе: сөз саны.

«Қадр» сүресі 30 сөзден тұрады. Құран да 30 парадан (бөліктен) тұрады. Сонымен қатар егер Рамазан айы 30 күн болған жағдайда, сол 30 күн оразаның маңыздылығына нұсқап тұрғандай.

Төртінші мәселе: сүредегі әріп саны.

«Қадр» сүресінде 114 әріп бар екенін айта кеткен жөн:

- бірінші аятта – 21 әріп;

- екінші аятта – 19 әріп;

- үшінші аятта – 20 әріп;

- төртінші аятта – 36 әріп;

- бесінші аятта – 18 әріп.

Барлығы: 114 әріп.

Ал Құрандағы сүрелер саны – 114 екені баршамызға мәлім.

Бесінші мәселе: сүренің 27 сөзі.

«Қадр» сүресінің 27-ші сөзі – هي (ол) сөзі. Яғни:

هي حتى مطلع الفجر

«Ол түн таңатқанға дейін жалғасады». (Абдулла ибн Аббас (родиял-лаһу ғанһу). Имам Ар-Рази тафсирі)

Алтыншы мәселе: енді мына кереметке қараңыз!

«ليلة القدر» (ләйләтүл-қадр – қадір түні) сөзі 9 әріптен құралған, соның ішінде «ل» (ләм) әрпі үш қайталанған. Осы жайт «тоғызды үшке көбейт» деп тұрған тәрізді. 9-ды 3-ке көбейтер болсақ 27 шығады: 9 х 3 = 27. Яғни, сүренің атауының өзі бізге: «Қадір түні – Рамазанның 27-ші түні»,-деп тұрғандай. (Абдулла ибн Аббас (родиял-лаһу ғанһу). Имам Ар-Рази тафсирі)

Құдай қаласа, жалғасы ертең!...

Толығырақ ...

Рамазанда дұға қабыл!

Расулуллаһ (солләл-лаһу ғаләйһи уә салләм) айтады: «Алла Тағала Рамазанның әрбір күн және түнінде тозаққа лайық болғандарды тозақтан азат етеді әрі әрбір мұсылманның әр күн және түнінде дұғасы қабыл».

Хадисті Әбу Саъид Әл-Худриден (родиял-лаһу ғанһу) Имам Әл-Баззар риуаят етті.

Әлде де болса Хақ Тағала бізге мол мүмкіндікті сыйлап тұр! Әлде де болса қасиетті Рамазан жалғасуда! Құлшылық етіп, сауап алып, қажетімізді тілеп қалайық, құрметті мұсылман қауым!

Не тілесе болады?

Имам Тирмизи (рохматул-лаһи ғаләйһи) Әнас ибн Маликтен (родиял-лаһу ғанһу) риуаят еткен хадисте Пайғамбарымыз (солләл-лаһу ғаләйһи уә салләм) былай деген:

لَيَسْأَلْ أَحَدُكُمْ رَبَّهُ حَاجَتَهُ كُلَّهَا، حَتَّى يَسْأَلَ شِسْعَ نَعْلِهِ إِذًا انْقَطَعَ

«Сендердiң бiрiң Раббысынан барлық қажетiн, тiптi үзiлген жағдайда аяқкиiмiнiң бауын да сұрай берсiн».

Мәселе тілегеніміз – тіршілігіміз үшін, ал тіршілігіміз – Ақырет үшін болса болғаны!

Толығырақ ...

Қадір сүресінің мұғжизалары

Бұл тақырып негізгі төрт мәселеден тұрады:

1. «Қадр» сүресінің мазмұны;

2. «Қадр» сүресінің сандық мұғжизалары;

3. «Қадр» сүресінің тілдік мұғжизалары;

4. «Қадр» сүресінің мазмұндық мұғжизасы;

1. «Қадр» сүресінің мазмұны

Құран бастан-аяқ – мұғжиза.

Мұғжиза – жай пенденің қолынан келмейтін, әдеттен тыс, пайғамбарлардың пайғамбарлығына дәлел болатын құбылыс. Мысалы, айды, теңізді екі бөлу, жартастан түйе шығару т.с.с.

Пайғамбарымыздың (солләл-лаһу ғаләйһи уә салләм) көптеген мұғжизасы болған. Соның ішіндегі ең ұлығы – Қасиетті Құран Кәрим. Сондықтан ондағы әрбір сүре, сөз, тіпті әрбір харекет – мұғжиза.

Сүре мәселесіне келер болсақ, Құдай қаласа біз қасиетті Рамазанның Қадір түні бөлігіндеміз. Яғни, Қадір түні Рамазанның үшінші онкүндігінде. Осыған орай назарларыңызға Құрандағы «Қадр» сүресінің мұғжизасын ұсынамыз.

«Қадр» сүресінің негізгі мазмұны:

- Қасиетті Қадір түнінің маңыздылығы. Осы себептен Хақ Тағала сүренің бастапқы аятында Қадір түнінің маңыздылығына нұсқап «Қадр» сүресінің екінші аятында:

وَمَا أَدْرَاكَ مَا لَيْلَةُ الْقَدْرِ

-«Сен Қадір түні не екенін білесің бе?»,-деген;

- Қадір түнінің артықшылығы. Алла Тағала Қадір түніне қатысты толықтай бір сүре түсіріп, оны «Әл-Қадр» деп атады. Осының өзі бұл сүренің ерекшелігіне меңзейді. Сонымен қатар Хақ Тағала «Қадр» сүресінін 3-ші аятында:

لَيْلَةُ الْقَدْرِ خَيْرٌ مِنْ أَلْفِ شَهْرٍ

-«Қадір түні мың айдан абзал»,-деген;

- Құран Қадір түні түсірілгені жайында баяндау. Жаратушы Иеміз Құран Қадір түні түскені жайында айтқан:

إِنَّا أَنزَلْنَاهُ فِي لَيْلَةِ الْقَدْرِ

«Рас, Біз Құранды Қадір түні түсірдік». («Қадр» сүресі, 1-аят);

- Жерге періштелер түсетіні жайында хабарлау:

تَنَزَّلُ الْمَلَائِكَةُ وَالرُّوحُفِيهَا بِإِذْنِ رَبِّهِم مِّن كُلِّ أَمْرٍ

«Ол түні Раббыларының әмірімен періштелер мен Жәбрәил (ъаләйһис-саләм) түседі». («Қадр» сүресі, 4-аят);

- Таңатқанға дейін амандық болатынын жеткізу:

سَلَامٌ هِيَ حَتَّى مَطْلَعِ الْفَجْرِ

«Ол – бейбітшілік, амандық кеші. Ол кеш таң атуға дейін жалғасады». («Қадр» сүресі, 5-аят).

Құдай қаласа, жалғасы ертең!...

Толығырақ ...

Оразада айтысудың қажеті жоқ!

Негізінде бұл жайында оразаның басында айтылған еді. Бірақ бұл хадистің қажеттілігі әлде де болса маңызды. Сондықтан...

Расулулла (солләл-лаһу ғаләйһи уә салләм) айтады: «Ораза ұстағандарың жаман сөз айтпасын, дауласпасын. Біреу оны балағаттаса немесе онымен жанжалдасса, ол: «Мен оразамын»,-десін».

Хадисті Әбу Һурайрадан (родиял-лаһу ғанһу) Имам Бухари, Имам Муслим және Имам Насаи риуаят етті.

Оразаның соңында біреумен болмашы нәрсеге айтсып сауабымыздан айырылып қалмайық, құрметті мұсылман қауым!

Толығырақ ...

Мұсылман үмметінің бес ерекшелігі

Пайғамбарымыз с.ғ.с. былай деді: «Рамазан айында үмметіме ілгеріде ешбір үмметке берілмеген бес ерекшелік берілді. Алла Тағала үшін оразашының ауызының иісі мисктің иісінен артық. Судағы балықтар ауыз ашатын уақытқа дейін ораза ұстағандар үшін Хақ Тағаладан күнәлары кешірілуін тілейді. Алла Тағала күніге жәннатты әшекейлеп: «Көп ұзамай Менің ізгі пенделерім дүниенің машақатынан босап саған келеді»,-дейді. Ерекше бүлікші шайтандар Рамазаннан тыс уақытта жаман қылықтарын істегендей істей алмау үшін Рамазан айында кісенделеді әрі соңғы түні ораза ұстағандардың күнәлары кешіріледі». (Ахмад)

Толығырақ ...

Рамазанда күнәсі кешірілмеген...

Кәъб ибн Ғүжра (родиял-лаһу ғанһу) айтады: «...Расулулла (солләл-лаһу ғаләйһи уә салләм) бізге: «Мінбарға жақындаңдар!»,-дегеннен соң біз мінбарға жақындадық. Кейін Ол (солләл-лаһу ғаләйһи уә салләм) бірінші баспалдағын басып: «Әмин!»,-деді. Екінші баспалдағын басқанда да: «Әмин!»,-деді. Кейін үшінші баспалдағын басып тағы да: «Әмин!»,-деді. Расулулла (солләл-лаһу ғаләйһи уә салләм) уағыз айтып, мінбардан түскеннен кейін біз: «Уа, Расулулла (с.ғ.с.)! Біз бүгін Сізден бұрын естімеген нәрсені естідік»,-дегенімізде, Ол (с.ғ.с.): «Маған Жәбрәил (ғ.с.) келді. Мен мінбардың бірінші баспалдағын басқанымда, ол: «Рамазан айын қарсы алып, кешірімге лайық болмаған опат болсын»,-дегенде мен: «Әмин!»,-дедім...». (Бухари)

Хақ Тағалаға ерекше жақын болған Жәбрәил (ғ.с.) тәрізді періштенің теріс батасы аз нәрсе емес. бұл пенде Аллаһ Тағаланың кешірімі мен рахметі нөсерлеп жауған берекелі Рамазан айын селқостық және күнә істеумен өткізді деген сөз. Рамазан айын осылай өткізу себебінен Хақ Тағаланың кешірімінен мақрұм болған жан басқа уақытта қалай кешіріледі. Әрі ол опатқа ұшырауына қандай күмән болуы мүмкін. Ал Рамазан айында кешірімге лайық болудың жолы – орындалуы міндетті болған амалдарды, яғни ауыз бекіту мен тарауих намазын ықыласпен орындап, істеген күнәсі үшін шын жүректен тәубеге келіп, сол үшін көп кешірім сұрау.

Толығырақ ...