Тақуаның сыйы

Алла Тағала «Қамар» сүресінің 54-55-ші аятында былай деген:

إِنَّ الْمُتَّقِينَ فِي جَنَّاتٍ وَنَهَرٍ فِي مَقْعَدِ صِدْقٍ عِندَ مَلِيكٍ مُّقْتَدِرٍ

«Шәк жоқ, тақуалар пейіштердегі өзен жағасында. Ықпалды үкім иесінің құзырындағы қалаған орнында».

Тақуа – Хақ Тағаланың әміріне бойсұнған, оның тыйғанынан тыйылған адам. Тақуа күнәні үлкен-кіші деп айырмайды. Ол күнә атаулының бәрін Жаратушы Иеге қарсы келу деп есептейді.

Тақуаның сыйы – нығметке тола жәннат. Ол жәннатта көз көрмеген, құлақ естімеген, тіпті адам баласының қаперіне келмеген нәрселер бар. Жәннат жемістері – шырын, сулары – ағын, сарайлары – биік, хор қыздары – сұлу.

Жәннаты болған тақуа өзі қалаған орынға отырады. Жәннатта болудың өзі бір ғанибет болса, жәннатта Хақ Тағаланың құзырындағы бір орынды иелену – ғанибеттің ғанибеті. (Сағди тафсирінен)

Хақ Тағала баршамызға тақуалық пен жәннатын нәсіп еткей! Әмин!

Толығырақ ...

Үш нәрсе!

Пенденің уақытын зая кетіретін үш нәрсе бар:

1. Өткенге өкіну. Себебі қанша өкінсең де, өткен нәрсе қайта оралдмайды.

2. Өзін біреудің орнына қою. Өйткені қанша тырысқаныңмен, сен өзгедей бола алмайсың.

3. Барлық адамның разылығын табуға тырысу. Бұл – қияли нәрсе!

Толығырақ ...

Кіші жиһадтан үлкен жиһадқа...

Пенде нәпсісімен күресіп, оны Хақ Тағаланың әміріне бойсұндырғаны – тірі болғаны. Керісінше, нәпсісін семіріп, Алла Тағаланың әміріне бойсұнбағаны – пенденің өлгені. «Кіші жиһадтан үлкен жиһадқа бет алдық»,-деген хадистің мәні осы!

Толығырақ ...

Салауат айтудың ғажайыптары

Салауат – Пайғамбарымызға (солләл-лаһу ғаләйһи уә салләм) Алла Тағаланың игілігін тілеу.

Салауат айту уақыты- Алла Тағаланы зікір ету мәкрүһ болмаған кез келген уақыт. Әсіресе жұма күні салауат айту ерекше құпталады.

Салауат айтудың ғажайыптарына келер болсақ, салауат айтқан пендеге:

1. Хақ Тағаланың он жақсылығы нәсіп етіледі;

2. Қияметте Пайғамбарымыздың (солләл-лаһу ғаләйһи уә салләм) шапағаты нәсіп болады;

3. Салауаттың нұры пенденің жүзінен байқалып тұрады.

Хақ Тағала баршамызға жұманы салауат айтумен өткізуді нәсіп етсін! Әмин!

Толығырақ ...

Махаббаттың ақиқаты!

Мәжнунды әйелді сүйгені жалмады.

Қарун – Ибраһим (ғаләйһис-саләм) заманында өмір сүрген жендет патша.

Қарунды мал-дүниеге деген махаббат өлтірді.

Пайғамбарымыздың (солләл-лаһу ғаләйһи уә салләм) бауыры Хамзаның р.л.ғ. өліміне Алла Тағалаға деген сүйіспеншілік себеп болды. Дәл осындай мүминдер жайында Хақ Тағала былай деген:

وَالَّذِينَ آمَنُوا أَشَدُّ حُبًّا لِلَّه

«Ал иманды жандар өзгеден гөрі Алла Тағаланы жақсы көреді».

Әрбір ғашық махаббат жолында сүйіспеншілігіне сай машақат көреді әрі сол машақаттың нәтижесі махаббат түріне сай болады – бір сүйіспеншілік жәннатты нәсіп етсе, екіншісі тозақы етеді. Сондықтан Хақ Тағала былай деген:

لَا يَسْتَوِي أَصْحَابُ النَّارِ وَأَصْحَابُ الْجَنَّةِ أَصْحَابُ الْجَنَّةِ هُمُ الْفَائِزُونَ

«Тозақылар мен жәннатылар тең болмайды. Жәннатылар – жетістікке қол жеткізуші».

Толығырақ ...

Осыдан соң ел қалай көгерсін!

Мұсылмандардың халифі Омар ибн Абдул-Азиз әйгілі тақуа ғалым Хасан Басриге р.л.ғ.: «Осы хатым саған жетсе маған қысқа әрі нұсқа өсиет айтсаң!»,- деп хат жолдаған екен.

Сондағы Хасан Басридің р.л.ғ. мұсылмандар патшасына: «Хатың жетті. Қиялшыл болма!»,-деп жауап берген.

Бұл оқиғада екі мәселе бар!

1. Патшаның ынсаптылығы мен құдайшылдығы.

2. Ғалымның жүректілігі.

Бүгінгі күні адамзат осы екі құндылықтан айырылып тұр. Басшылар өсиет емес, жағымпаздық пен түлкі-мақтау күтсе, ал қоластындағылар со басшының қабағын бағуда. Осыдан соң ел қалай көгерсін!

Толығырақ ...