Омардың (родиял-лаһу ғанһу) жауаптылығы

Омар ибн Хаттаб (родиял-лаһу ғанһу) халифалыққа тағайыннан соң бөлмесіне әйелі кіріп қалады. Қараса Омар (родиял-лаһу ғанһу) (родиял-лаһу ғанһу) өксіп жылап отыр. Мұны көрген әйелі зәресі ұшып: «Не болып қалды?»,-деп сұрайды. Сонда Омар (родиял-лаһу ғанһу) былай деп жауап береді: «Мен жауапкершілігіме Мухаммадтың (солләл-лаһу ғаләйһи уә салләм) үмметін алдым. Мен қарыны аш пақыр, науқас, жалаңаш, зұлымдыққа ұшыраған, жолаушы, тұтқын, қарттар жайында ойланып, Раббым солар үшін мені сұраққа тартатынын білдім. Содан қорыққанымнан көзімді жас жаулады...».

Алла Тағала Омарды (родиял-лаһу ғанһу) рахмет етсін!

Омарды (родиял-лаһу ғанһу)...

Әлемнің жартысын билеген. Патша бола тұрып жамау-жамау шапанмен жүрген және шаршаса жерге жатып ұйықтай салған. Негізгі асы нан мен зайтун майы болу себебінен іші үнемі қорылдаған. Сол қорылдаған қарнына қарап: «Қорылдасаң да, қорылдамасаң да, мұсылман балдары қарынын тойдырмайынша еттің дәмін сезбейсің»,-деген. Қиметтегі сұрақтан қорқу себебінен көп жылап, екі бетінде жастың ізі таңбаланған. Жұрттың ахуалын білу мақсатында түн жамылып көшелерді аралаған.

Алла Тағала осы Омарды (родиял-лаһу ғанһу) рахметіне бөлесін! 

Билік – дәреже, мансап – абырой емес! Билік иелері осыны түсінсе еді бүгінгі күннің көптеген мәселесі шешімін табар еді!

Толығырақ ...

Ммм, қиналып кеттім дейсің бе?...

Ақша жетпейді. Баға қымбат. Базарға барсаң таразыдан жейді. Жарық, газ т.б. бағасы шарықтап барады. Құдай ауырпасын! Ауырсаң – ауырып бір қиналасың, емделіп бір қиналасың. Дәрі болса қымбат.

Осының бәрі мезі етті ме?

Бүгінгі күні көп адам осыны ойлап: «Неге осылай болып кетті?»,-дейді де жауап таба алмай қиналады. Ал негізі бұл сұрақтарға жауап беру тым жеңіл!

Дүниедегі барша қиыншылық пен ауырпашылық – адамдардың күнәсі салдарынан. Ол: имансыздық, қиянат, көреалмаушылық, зұлымдық т.с.с.

Алла Тағала айтады:

وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ

«Бастарыңа келген бір ауыртпашылық қолекі істегендеріңнің салдарынан». («Шура», 30 аят)

ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ 

«Адамдардың қолекі істегендерінің кейбірінің сазайын татыру үшін құрылықта әрі теңізде бұзықтық шықты. Мүмкін олар алған беттерінен қайтар». («Рум», 41 аят)

Толығырақ ...

Бала тек қарны ашқаннан жыламайды!

Мүминдердің анасы айша (родиял-лаһу ъанһа) айтады:

دخل النبي صلى الله عليه وسلم فسمع صوت صبي يبكي فقال ما لصبيكم هذا يبكي فهلا استرقيتم له من العين

«Нәби (солләл-лаһу ғаләйһи уә салләм) кіріп жылаған сәбидің естиді де: «жылайтындай мына сәбилеріңе не болған? Оған көзден дем салмадыңдар ма?»,-деді». (Ахмад) 

Расында да кей жағдайда ата-ана баланың не себепті жылап жатқанын түсінбей жатады. Болмаса ыстығы да, жоқ, қарны да тоқ. Өкінішке орай діннен алыстау себебінен тіл-көз деген мәселе ата-аналардың назарынан тыс қалып жатады. Әйтпесе тіл-көз тию – ақиқат нәрсе.

Толығырақ ...

Еймендіктің жүректілігі

Оқиғаға куә болған Таус ибн Кәйсан (рохматул-лаһи ғаләйһи) айтады: «Өзінің жендеттігімен белгілі болған Хажжәж ибн Юсуф умра амалын орындау үшін шығады. Хажжәж жанында нөкерлері болады.

Тауафты орындау барысында Хажжәж Ибраһим (ғаләйһис-саләм) мақомының жанында екі рәкәғат намазын оқу үшін тұрғанда нөкерлері қаруларын жерге қояды.

Хажжәж екі рәкәғат намазын оқып, мақомның жанында отырған кезде тауафты орындап жатқан йемендік бір адам Ибраһим (ғаләйһис-саләм) мақомының жанынан өтіп бара жатады. Ол мақомның жанында Хажжәждің отырғанын білмеген еді. Еймендікті көрген әскер Хажжәжды қоршап тұра қалады да йемендік ұстап қалу әрекеті үстінде Хажжәждың үстіне құлайды. Мұндай кенеттек болған жағдайдан шошып кеткен Хажжәж: «Ұстаңдар оны!»,-деп бұйырады. Нөкерлері еймендікті шап береді. Сонда Хажжә: «Оны бері алып келіңдер!»,-дейді.

Нөкерлері йемендікті алдына алып келгенде Хажжә: «Сен менің кім екенімді білесің бе?»,-деп сұрады.

- Жоқ, білмеймін.

Сонда Хажжәж одан: «Еймендегі сендердің әміршілерің кім?»,-деп сұрайды.

- Мухаммад ибн Юсуф, Хажжәдің бауыры, дәл сол ағасы тәрізді, тіпті одан өткен залым.

- Сен мен сол Мухаммадтың ағасы екенін білмедің бе?

- Сен Хажжәжсің бе?

- Иә.

- Сен де, бауырың да қандай сұрқия едіңдер.

- Йемендегі менің бауырымның ахуалы қалай?

- Мен Ейменнен кетіп бара жатқанымда ол семіз, мешкей еді.

- Мен сенен оның денсаулығы жайында емес, оның әділдігі жайында сұрап тұрмын.

- Ол – әділетсіз әрі залым.

- Ол менің бауырым екенін білмедің бе? Сен менен қорқасың ба?

- Ей, Хажжәж! Баурың сенен абыройлы дейсің бе? Қазір жалғыз Алла Тағаланың алдында тұрған менен абыройлы дейсің бе?» 

Таус (рохматул-лаһи ғаләйһи) осы жерде: «Йемендіктің Хажжәжға айтқан сөзін естіп тұрған менің төбе шашым тік тұрды»,-деп, кейін әңгімесін жалғастырып былай деді: «Хажжәж йемендікті еркіне жіберді, ал Хақ Тағаладан өзгеден қорықпаған еймендік тауафын жалғастырды». 

Толығырақ ...

Нағыз мұсылман

Нағыз мұсылман:

- Жолын он қара мысық кесседе – алған бағытынан қайтпайды.

- Үйден шыққаннан кейін үйінде бір затын ұмытқанын есіне түсірсе кері қайтып затын алып ниеттенген жағына қайта шығады.

- Жолда қолында бос шелегі бар әйелді кездестірсе «жолым болмайтын болды» демейді.

- Өзге мұсылмандармен «ас-саләму аләйкум» деп амандасудан ұялмайды.

- Түннің жарымында болсада ақшаны қолға ұстатады.

- Кедей болуын ысқырғаннан көрмейді.

- Жерге тұз шашылғаннан жамандық күтпейді.

- Сынған айнадан өз кескінін көрсе «өлетін болдым» демейді.

- Дастарханның басында 13 адам отырғанына қарамастан «Бисмиләһ» деп алдындағы асын жей береді.

- Бірдеңе бола қалса «жаман болады» деп өзін де, өзгені де шошытпайды. Себебі... 

Себебі шынайы мұсылман жақсылық пен жамандықты жаратылғаннан емес, бәлкім Жаратушы Хақ Тағаладан күтеді.

Толығырақ ...

Түсінемін, қарындасым!

Түсінемін, саған қиын, қарындасым,

"Заманауи қыздардың" соңындасын.

Саған кейбір тентектер тиіседі,

Себебі сен Құдайдың жолындасың.

Түсінемін, саған қиын, қарындасым,

Қиындыққа иманың алынбасын!

Ту сыртыңнан сөйлейді әлдекімдер,

Себебі сен Құдайдың жолындасың.

Айналайын, діні бір қарындасым,

Алмағайсың орамал жамылғасын.

Тентектердің тәртіпсіз қылығына,

Сабырменен жүрегің дамылдасын!

Түсінемін, саған қиын, қарындасым... 

Azamat Bitan

Толығырақ ...