Есімді ауыстыру керек пе?

Сұрақ:Ас-саләму аләйкум! Менің қойятын сұрағым: қыз балаға Ұлзина деп есім қойған дұрыс па? Артынан ұл ерсін деген ниетпен. Немесе бұл есімді ауыстыру керек пе?

Жауап: Уа аләйкумус-саләму уа рохматул-лаһи уа баракәтуһ!

Біріншіден: Ұлзина есімі екі сөзден құралған сөз тіркесі: ұл – ұлбала, еркек, зина – сән, зейнет.

Екіншіден: ниет ырым емес. Басқаша айтқанда қазақ, өзінің табиғи даналығына сай іс-әрекетімен өзінің ниетіне нұсқай білген. Жалғас, Батыр т.с.с. есімдер осының белгісі. Сондықтан қыз балаға артынан ұл ерсін деген ниетпен «Ұлзина» деген есім берілсе жақсы әрі шариғатқа қайшы емес. Сондықтан ниет қабыл болсын! Әмин!

Толығырақ ...

Көздің көру қабілетін артыру

Сұрақ:Ас-саләму аләйкум! Менің көзім ауырады, яғни алысты көрмеймін. Көздің көру қабілетін жақсартатын дұғалар бар ма екен?

Жауап: Уа аләйкумус-саләму уа рохматул-лаһи уа баракәтуһ!

Алла Тағала ниетіңізді қабыл етіп, көз нұрын арттырсын!

Сіздің мәселеңізге қатысты Пайғамбарымыз (солләл-лаһу ғаләйһи уә салләм) былай деген:

اكْتَحِلُوا بالإثْمِدِ، فإنهُ يَجْلُو الْبَصَرَ ويُنْبِتُ الشّعْرَ

«Исмид сүрмесін қолданыңдар! Өйткені ол ажарды ашып, шашты қатайтады». (Тирмизи)

Исмид – сүрменің түрі.

Сүрме – көзді бояу үшін қолданылатын ұнтақ. Қазіргі күні біздерде мешіттердің жанындағы дүкендерде сатылады. Олардың түрлісі болады.

Исмид сүрмесі бізде бар-жоғын білмеймін. Дегенмен мешіт дүкендерінде сатылатын сүрмені, ем табу ниетімен қолдансаңыз болады.

Сүрме қолданудың пайдасы: түнде көздің айналасына жағу назарды күшейтіп, көздің шаршағанын басады, көз алмасын тазартып, көздің қызарғанын кетіреді.

Сүрмені тек көздің айналасына жағып қана қоймай, ішіне сепсеңіз болады. Сүрме сатып алғаныңызда ішінде сүрмені көзге сепкенге қолданылатын арнайы таяқшасы болады. Сүрмені көзге сепкен кезде біршама ашығандай болады. Бірақ сәл уақыттан соң сүрме жібіп ашығаны басылады. Сонан соң ажарыңыз ашылғанын байқайсыз.

Дегенмен, діннің рухани жағын естен шығармаған жөн. Сондықтан сүрмені қолданудан бұрын: «Бисмилләһ»,-деп Алла Тағаладан шипа тілеуін ұмытпаңыз.

Сонымен қатар ем табу ниетімен білген сүре-аяттарыңызды оқып, алақанға дем салып, кейін алақаныңызбен көзіңізді сипасаңыз болады. Құдай қаласа, берекеті болады!

Сіздің мәселеңізге қосымша мына мәліметті оқысаңыз дұрыс болады: http://www.nurotau.kz/index.php/ma-alalar/item/2877-сүннет-көзді-емдейді

Алла Тағала дертіңізге шипасын нәсіп еткей! Әмин!

Толығырақ ...

«Ада» намазы туралы

Сұрақ:Ас-саләму аләйкум! Келесі намаздың уақыты кіруге 40-45 минут қалғанда «ада» намаз оқылмайды деген пәтуаларды естиміз. Бұл жайлы толығырақ білгім келеді.

Жауап: Уа аләйкумус-саләму уа рохматул-лаһи уа баракәтуһ!

Алла Тағала білімге деген ықыласыңызға разы болсын!

Бұл жерде «ада» дегені «қаза» намазы болса керек. Келесі мәселе: қаза намаз, өзге намаз тәрізді үш жағдайда оқылмайды: күн шығып жатқанда, күн тас төбеде тұрған кезде және күн батып бара жатқанда. Сонымен қатар қаза намаздың өзіне қатысты бір тыйым бар. Ол – бір намаздың уақыты шығуға таяу кезде қаза намазы оқылмайды. Мысалы, бесін намазы сағат 16-50 кіреді дейік. Ал сағат 16-30. Бір себептермен сіз бесін намазын сол кезге дейін оқи алмадыңыз. Осы жағдайда сіз қаза намазын емес, сол кезгі бесін намазын оқығаныңыз дұрыс. Себебі оқымасаңыз, намазыңыз қаза болады. Қаза болғанда да себепсіз қаза болады. Ал намазды себепсіз қаза ету – ауыр күнә.

«40-45 минут» мәселесіне келер болсақ, бұл жағдай түсініксіз. Яғни, өзіңіз айтқандай бұның мәнісін сол пәтуаны айтқан адамдар сұрау керек.

Толығырақ ...

Ем табу үшін «Фатиханы» оқу

Сұрақ:Ас-саләму аләйкум! Шипа сұрау үшін «Фатиха» және басқа сүрелерді неше рет оқу керек?

Жауап: Уа аләйкумус-саләму уа рохматул-лаһи уа баракәтуһ!

Алла Тағала дертіңізге шипа берсін! Әмин!

Бірінші мәселеде шариғат бойынша Құран сүрелері және аяттарын оқып дем салуға болатындығы жайында айтқан жөн. Бұған дәлел болар аят пен хадистертер баршылық.

Екіншіден: хадистерде «Фатиха» жеті рет оқылатыны жайында айтылған. (Тирмизи)

Бұл жердегі мәселе: «Фатиха» сүресін оқып дем салатын адамның ықыласы мен пейілінде. Біреулер бар, қанша дем салсаң да пайдасы жоқ. Неге? Себебі олар сол демнен пайда болатынына сенбейді. Біреулер бар кез келген дұғаны оқып, тіпті «уа, Алла» деп дем салсаң да шайып кететін. Сондықтан бар мәселе дем салдыратын адамның ықыласы мен пейілінде.

Үшіншіден: дем салудың түрі көп. Мысалы, бір сүре, аят, дұға не болмаса «бисмилләһты» айтып-ақ дем салса болады. Бар мәселе, жоғарыда айтылғандай адамның ықыласы мен пейілінде.

Төртіншіден: әр адам өзіне дем салса болады. Мысалы, үш қайтара «Ихлас», «Фаләқ» және «Нас» сүрелерін оқып, кейін екі алақанына үшкіріп бүкіл денесін (басы, кеудесі, арқасы, екі аяғы) сипап шығады. Бұл жағдайда алақанды әйуретке тигізбейміз.

Қортынды: Құранның әрбір аяты, тіпті әрпінде береке бар. Құран аяттары рухани және физиологиялық дертке шипа. Бұл мәселе күмән жоқ! Сондықтан ықылас қойып «Фатиха» сүресі мен өзге де өзіңіз білген аят-дұғаларды оқып дем сала беріңіз. Саны мәселесіне келер болсақ, қаншалықты көп болса, соншалықты жақсы! Бұл жағдайда ең абзалы – жүрек, көңілді тыңдау. Яғни, қанша рет оқу керектігін жүрегіңіздің өзі білдіреді.

Дем салудағы маңызды мәселе: пенде әрбір ісінде Алла Тағалаға сүйенуі тиіс. Сондықтан демнің пайдасын тек Хақ Тағаладан күтіңіз.

Хақ Тағала ниетіңізді қабыл етсін! Әмин!

Толығырақ ...

Эпилепсиядам емделгім келеді...

Сұрақ:Ас-саләму аләйкум! Мен бір жасымнан эпилепсия ауруына шалдықтым. Қазір 38-демін. Эпилепсиядан Құранмен емделсем бола ма?

Жауап: Уа аләйкумус-саләму уа рохматул-лаһи уа баракәтуһ!

Алла Тағала дертіңізге шипа берсін! Әмин!

Эпилепсияның түрлі болатыны белгілі. Ол жайында бұл жерде әңгіме етпей-ақ қоялық. Бізге керегі – эпилепсиядан Құранмен дем салып емделсе бола ма?

Біреулер сізге эпилепсияға қатысты түрлі сөз айтуы мүмкін. Сізге айтарым! Оның бәріне құлақ аса бермеңіз. Пайғамбарымыз (солләл-лаһу ғаләйһи уә салләм) айтқанындай тек екі нәрсенің емі жоқ. Ол – қарттық пен өлім. Сонымен қатар Пайғамбарымыз (солләл-лаһу ғаләйһи уә салләм): «Әрбір дерттің емі бар. Дертің емі дұры болса Алла Тағаланың қалауымен дертен саууығып кетеді».

Бар мәселе сіздің ықыласыңыз бен табандылығыңызда. Құранмен дем салдырыңыз және өзіңіз де Құран оқыңыз. Тіліңіз үнемі зікірде болсын! Мен өзім эпилепсия дертінен сауығып кеткен адамдарды көргемін. Ол мүмкін нәрсе. Тек, тағы ескертерім, әркімді тыңдай бермеңіз! Одан да Пайғамбарымыздың (солләл-лаһу ғаләйһи уә салләм) сөзіне ден қойыңыз әрі барлық нәрсе Хақ Тағаланың билігінде екенін естен шығармаңыз. Осындай болған жағдайда дертіңізден сауығып кетіп жатсаңыз ғажап емес!

Алла Тағала сізге иманның кемелдігін нәсіп етіп, мінәжатыңызда ықыласты әрі табанды болуыңызды жазсын! Әмин!

Толығырақ ...

Ораза ұстасам бола ма?

Сұрақ:Ас-саләму аләйкум! Ораза басталып кетті. Бірақ менің ораза ұстау ниетім бар. Сол себепті Рамазанның бір аптасы өткеніне қарамастан ораза ұстай бастасам бола ма?

Жауап: Уа аләйкумус-саләму уа рохматул-лаһи уа баракәтуһ!

Алла Тағала ниетіңізді қабыл етсін!

Әрине, болады. Тіпті ол қажет нәрсе!

Негізі Алла Тағала тәубеге келген пендесін жақсы көреді. Сондықтан сіз Рамазанның басынан ораза ұстамағаныңызға өкіне отырып, мәселен ертеңнен ауыз бекіте бастасаңыз нұр үстіне нұр. Өтйкені, біріншіден: сіз Хақ Тағаланың парызын орындай бастайсыз. Екіншіден: тәубеге келгеніңіздің өзі бір құлшылық. Сондықтан Алла Тағала ниетіңізді қабыл етсін. Түсінбеушілік себебінен Рамазанның бірнеше күнін өткізіп алғаныңызға өкініп, тәубеге келіп ауыз бекітуге бел буыңыз. Бұл жағдайда Хақ Тағала сізге разы боларына шәк жоқ!

Толығырақ ...