«Қыдыр ата» деген кім?

«Қыдыр ата» деген кім?

Сұрақ:Ас-саләму аләйкум! Біреулер Қадір түні Қыдыр атаны күтіп жатады. «Қыдыр ата» деген кім? Оның қадір түніне қандай қатысы бар?

Жауап:  Уа аләйкумус-саләму уа рохматул-лаһи уа баракәтуһ!

Қасиетті Қадір түнін Қыдыр атамен байланыстыру – жаңсақ! Себебі, Қадір түні мұсылмандар ертегі бір атаны емес, бәлкім Алла Тағаланың рахметін күтумен өткізуі тиіс.

«Қыдыр ата» деген кім? – мәселесіне келер болсақ, шариғаттан және араб тілінен хабары болмаған жандар арабтың «қадр» сөзін «Қыдыр атаға» теліп түнді бір атаны күтумен әлек. Болмаса, қазақтың «Қыдыр» есімінің өзі «Хизр» есімді әулие кісінің атынан туындаған.

Оған қоса мұсылмандар жақсылықты жаратылғаннан емес, бәлкім Хақ Тағаладан күтеді. Тіпті біреу біреуге бір жақсылық істейтін болса, соның өзі Алла Тағаланың қалауымен болады. Сондықтан айналып келгенде біз бір пенденің емес, Жаратушы Иенің жарылқауына мұқтажбыз. 

Алла Тағала баршамызға осы ақиқатты түсініп-ұғынуымызды нәсіп етсін! Әмин!

Пікір жазу

Керек жерлердің бәрін (*) толтырғандығыңызға көз жеткізіңіз.
HTML-кодтарға тиым салынған

Жоғарыға