Мәһір мәселесі

Мәһір мәселесі

Сұрақ: Ас-саләму аләйкум! Мен ағам мен нағашым барып қызға құда түсіп үйлендім. Дәстүр бойынша сырға салып, сақина алдым. Қазір үш балам бар. Сырға мен сақинаны қыздың өзіне таңдатып алдым. Ол маһір болып есептеле ма, әлде маһірге басқа бірдене алып беруім керек па?

Жауап:  Уа аләйкумус-саләму уа рохматул-лаһи уа баракәтуһ!

Менің ойымша мәселенің шешімі сіз бен жұбайыңыздың келісімінде. Сіз сол сақина мен сырғаны мәһір ниетінде беріп, жұбайыңыз да оны мәһір ретінде қабылдаса, онда бергеніңіз мәһірге жатады.

Үйленгенде сіз де, жұбайыңыз да мәһір жайында білмеген болсаңыз, онда мәселенің шешімі – жұбайыңыздан сол бергенді мәһір ретінде қабылдай ма, қабылдамай ма, соны сұраңыз. Егер «иә, мәһір ретінде қабылдаймын» десе, онда мәһір мәселесі шешілгені. 

Сіздің мәселеңізді ҚСРО кезіндегі біздің ата-аналырымыздың отбасы құрумен салыстырса болады. Совет өкіметі кезінде неке болмаса да, жастар АХАЖ-ға барып үйленгенін тіркейтін. Неке қиюды ер мен әйелдің арасындағы қатынасты рәсімдеу деп қабылдайтын болсақ, Совет өкіметі дінсіздік дәуіріндегі АХАЖ-ғы некені ерлі-зайыптылардың қатынасын заңдастыруға жатқызса болады. Оған қоса ол кезде мәһір дегенді кім біліпті?

Пікір жазу

Керек жерлердің бәрін (*) толтырғандығыңызға көз жеткізіңіз.
HTML-кодтарға тиым салынған

Жоғарыға