Жартылай шомылып, намаз оқысам бола ма?

Жартылай шомылып, намаз оқысам бола ма?

Сұрақ:Ас-саләму аләйкум! Мен І топтағы мүгедекпін. Түнде оянып көпке дейін ұйықтай алмай жатам. Денем қызады. Таһәжжүд намазын оқығым келеді. Бірақ денемді жауып оқуым керек. Осындай жағдайда денемді кіндікке дейін жауып, иықтарым ашық күйде намаз оқысам бола ма?

Жауап:  Уа аләйкумус-саләму уа рохматул-лаһи уа баракәтуһ!

Алла Тағала сізге жеңілдігін нәсіп етсін!

Негізі жартылай шомылған болмайды. Сіздің жағдайыңызда ең абзалы – қажетті жағдайда таяммум алу. Себебі, сіз үзір иесі сияқтысыз. Яғни суды қоданалмайтын жағдайда таяммум алсаңыз да болады. Оған қоса айтқаныңыздан түсінгенім – шомылу сізге қиындық туғызатын сияқты.

Сізге бір нәрсені ескеру қажет! Расында да сізге толық шамылу мүмкін болмаса, онда таяммуммен намаз оқысаңыз болады. Сіздің жағдайыңызда таяммум ғұсылдың орнына жүреді.

Иықты ашып намаз оқу мәселесіне келер болсақ, басты мәселе әуретті жабу. Ал еркектердің әуреті – кіндік пен тізенің екі аралығы. Тек мүмкіндігінше денені барынша жапсаңыз болғаны. 

Алла Тағала дінге деген ықыласыңызды сауаптан жазсын! Әмин!

Пікір жазу

Керек жерлердің бәрін (*) толтырғандығыңызға көз жеткізіңіз.
HTML-кодтарға тиым салынған

Жоғарыға