Кезінде білмей денеме наколка түсіріп қойыптым...

Кезінде білмей денеме наколка түсіріп қойыптым...

Сұрақ:Ас-саләму аләйкум! Кезінде білмей денеме наколка түсіріп қойыптым. Ал Пайғамбарымыз (солләл-лаһу ғаләйһи уә салләм) денесін таңбалағанды лағнеттеген екен. Енді не істеуім керек? Денемдегі наколканы кетіруім керек пе?

Жауап:  Уа аләйкумус-саләму уа рохматул-лаһи уа баракәтуһ!

Алла Тағала сізді рахметіне бөлеген екен! Олай дейтінім – Пайғамбарымыздың (солләл-лаһу ғаләйһи уә салләм) сөзіне мән бергеніңіз. Алла Тағала сізге разы болсын!

Денені таңбалау мәселесіне келер болсақ, рас Расулуллаһ (солләл-лаһу ғаләйһи уә салләм) былай деген:

لَعَنَ الله الْوَاشِمَاتِ وَالمُسْتَوْشِمَاتِ

«Алла Тағала денесін таңбалаушы мен денесіне таңба түсірушіні лағнет етті». (Әбу Дауд)

Шариғат бойынша денеге таңба (наколка) салу – арам. Оған осы айтылған хадис дәлел. 

Білместіктен денесіне таңба түсіріп, кейін қателігін ұғынған адам бірінші мәселеде тәубеге келіп, Хақ Тағаладан қылығы үшін кешірім тілеу керек. Кейін реті келсе денесіндегі таңбаны кетірген жөн. Ал денедегі таңбаны кетіру денсаулыққа зарарлы болса, онда тәубе ету жеткілікті.

Пікір жазу

Керек жерлердің бәрін (*) толтырғандығыңызға көз жеткізіңіз.
HTML-кодтарға тиым салынған

Жоғарыға