Эпилепсиядам емделгім келеді...

Сұрақ:Ас-саләму аләйкум! Мен бір жасымнан эпилепсия ауруына шалдықтым. Қазір 38-демін. Эпилепсиядан Құранмен емделсем бола ма?

Жауап: Уа аләйкумус-саләму уа рохматул-лаһи уа баракәтуһ!

Алла Тағала дертіңізге шипа берсін! Әмин!

Эпилепсияның түрлі болатыны белгілі. Ол жайында бұл жерде әңгіме етпей-ақ қоялық. Бізге керегі – эпилепсиядан Құранмен дем салып емделсе бола ма?

Біреулер сізге эпилепсияға қатысты түрлі сөз айтуы мүмкін. Сізге айтарым! Оның бәріне құлақ аса бермеңіз. Пайғамбарымыз (солләл-лаһу ғаләйһи уә салләм) айтқанындай тек екі нәрсенің емі жоқ. Ол – қарттық пен өлім. Сонымен қатар Пайғамбарымыз (солләл-лаһу ғаләйһи уә салләм): «Әрбір дерттің емі бар. Дертің емі дұры болса Алла Тағаланың қалауымен дертен саууығып кетеді».

Бар мәселе сіздің ықыласыңыз бен табандылығыңызда. Құранмен дем салдырыңыз және өзіңіз де Құран оқыңыз. Тіліңіз үнемі зікірде болсын! Мен өзім эпилепсия дертінен сауығып кеткен адамдарды көргемін. Ол мүмкін нәрсе. Тек, тағы ескертерім, әркімді тыңдай бермеңіз! Одан да Пайғамбарымыздың (солләл-лаһу ғаләйһи уә салләм) сөзіне ден қойыңыз әрі барлық нәрсе Хақ Тағаланың билігінде екенін естен шығармаңыз. Осындай болған жағдайда дертіңізден сауығып кетіп жатсаңыз ғажап емес!

Алла Тағала сізге иманның кемелдігін нәсіп етіп, мінәжатыңызда ықыласты әрі табанды болуыңызды жазсын! Әмин!

Толығырақ ...

Ораза ұстасам бола ма?

Сұрақ:Ас-саләму аләйкум! Ораза басталып кетті. Бірақ менің ораза ұстау ниетім бар. Сол себепті Рамазанның бір аптасы өткеніне қарамастан ораза ұстай бастасам бола ма?

Жауап: Уа аләйкумус-саләму уа рохматул-лаһи уа баракәтуһ!

Алла Тағала ниетіңізді қабыл етсін!

Әрине, болады. Тіпті ол қажет нәрсе!

Негізі Алла Тағала тәубеге келген пендесін жақсы көреді. Сондықтан сіз Рамазанның басынан ораза ұстамағаныңызға өкіне отырып, мәселен ертеңнен ауыз бекіте бастасаңыз нұр үстіне нұр. Өтйкені, біріншіден: сіз Хақ Тағаланың парызын орындай бастайсыз. Екіншіден: тәубеге келгеніңіздің өзі бір құлшылық. Сондықтан Алла Тағала ниетіңізді қабыл етсін. Түсінбеушілік себебінен Рамазанның бірнеше күнін өткізіп алғаныңызға өкініп, тәубеге келіп ауыз бекітуге бел буыңыз. Бұл жағдайда Хақ Тағала сізге разы боларына шәк жоқ!

Толығырақ ...

Білімді Қытайдан іздеу. Хадис пе, аят па?

Сұрақ:Ас-саләму аләйкум! «Ілімді Қытайдан болса да іздеңдер» деген хадис пе, аят па?

Жауап: Уа аләйкумус-саләму уа рохматул-лаһи уа баракәтуһ!

Алла Тағала іліміңізді арттырсын!

Біріншіден: бұл аят емес.

Екіншіден: хадис ғалымдарының басым көпшілігі бұл сөзді «тоқыма, жалған хадис» деген көз қарасты ұстанған.

Үшіншіден: осы себептен ғалымдардың бірі де бұл хадисті шариғат мәселелерінде дәлел ретінде қолданбайды.

Осы мәселелерді есере отырып мұндай негізсіз сөз тарату былай тұрсын, тіпті айтпаған жөн. Өйткені «хадис» деп, ол ақиқатында жалған болса Пайғамбарымызға (солләл-лаһу ғаләйһи уә салләм) жалғандықты теліген боламыз. Оған қоса білімге ынталандыратын өзге де сенімді, дұрыстығында күмән болмаған хадистер баршылық. Сондықтан ең дұрысы – сондай хадистерді қолдану.

Алла Тағала сізге разы болсын!

Толығырақ ...

Күлкі дәретті бұза ма?

Сұрақ:Ас-саләму аләйкум! Менің сұрайын дегенім: қатты күлгеннен дәрет бұзыла ма?

Жауап: Уа аләйкумус-саләму уа рохматул-лаһи уа баракәтуһ!

Қатты күлкі, мысалы ахахалап, дәретті бұзбайды. Әрине, күлкі барысында көзден жас шықпаса. Бұл мәселеде ғалымдардың арасында ихтиләф жоқ.

Намаз мәселесіне келер болсақ, бұл орында күлкіні мына тұрғыдан қарастырамыз:

- тек өзі еститіндей күлу. Бұл жағдайда намаз бұзылып, дәрет бұзылмайды;

- қасындағы адам да еститіндей күлу. Бұл жағдайда намаз да, дәрет те бұзылады.

Келесі мәселе!

Намазын жеке оқып жатып күлсе, намаздың бұзылған бөлігін қайта оқиды. Мысалы, песін намазы кезінде төрт рәкәғат сүннетін оқып, соң төрт рәкәғат парызын оқып жатып дауыстап күлсе, онда парызын қайт оқиды. Егер жамағатпен оқып тұрған болса, онда қайта ниеттеніп имамға қайта ұйыды. Мәселе: дереті де бұзылатындай етіп күлгенде дәрет алып келуі тиіс.

Толығырақ ...

Бір аяғы жоқ адамның жұма намазы

Сұрақ:Ас-саләму аләйкум! Менің бір аяғым жоқ. Жұма намаз мен үшін парыз ба?

Жауап: Уа аләйкумус-саләму уа рохматул-лаһи уа баракәтуһ!

Алла Тағала құлшылығыңызды қабыл етсін!

Ер адам үшін жұма намаз парыз болудың екі шарты – дені сау болу және жолда қауіп-қатер болмау. Бұл жайында хадисте баян етілген. Яғни, жұма намаз оқитын адам жұма намазына жете алатындай болуы тиіс. Сондықтан егер дәл сіздегі жағдайыңыз себепті жұма намазына жете алмайтындай болсаңыз, мысалы мешіттен алыс тұрып, көліктің ыңғайы болмаса, арбасыз қозғала алмайсыз әрі арбаңыз болмаса т.с.с., онда сізге жұма міндетті емес. Бірақ жұма намазына, тіпті ерте шығып болса да, мәселен балдақпен болсын келе алсаңыз, онда жұма намазын оқисыз. Әрине, егер балдақпен келгеніңіз бір кеселіңіздің ұлғаюына себеп болса, онда жамағат намазы сізге міндетті емес. Себебі, бұл жағдайда сіз үзір иесі боласыз.

Тарихты қарар болсақ, Пайғамбарымыз (солләл-лаһу ғаләйһи уә салләм) жамағат намазына шықпаған кезі болған. Бірақ бұған Пайғамбарымыздың (солләл-лаһу ғаләйһи уә салләм) қатты ауырып, қозғалуы тым машақатты болғаны себеп болған еді.

Сахабаларға келер болсақ, науқастанған жағдайда олардың аз болсын қозғалуға шамасы келгені, біреудің жәрдемімен болса да, жамағат намазына қатысатын.

Алла Тағала ыждағатңызды қабыл етсін! Әмин!

Толығырақ ...

Ақиқатты айтпаған – үндемес шайтан ба?!

Сұрақ:Ас-саләму аләйкум! «Өзінікі дұрыс болса да ұрыс-керістен бас тартқан адамның жәннәтта үйі болатынына мен кепілмін»,-деп Пайғамбарымыз (солләл-лаһу ғаләйһи уә салләм) айтқан. Өткенде Асыл арнадан бір имам: «Біреу дұрыс емес нәрсе айтқан болса, үндемей қалуға болмайды. Пайғамбарымыз (солләл-лаһу ғаләйһи уә салләм) «шындықты айтпастан үндемей қалған үндемес шайтан»,-деді. Осыған толық түсініктеме бересіз бе?

Жауап: Уа аләйкумус-саләму уа рохматул-лаһи уа баракәтуһ!

Негізі Алла Тағала Құранда және Пайғамбарымыз (солләл-лаһу ғаләйһи уә салләм) хадисінде шындықты айтуды, ақиқатты жасырмауды және бұрмаламауды бұйырған. Бұл Құран мен хадисте атылуы тиіс болған мәселелер жатады. Мысалы, Хақ Тағаланың жалғыздығы, Пайғамбарымыздың (солләл-лаһу ғаләйһи уә салләм) пайғамбарлығы, намаздың парыздығы т.с.с. Негізі бұл мәселе қырық парыздың бірі, яғни «жақсылықты бұйырып, жамандықтан тыюға» жатады. Дегенмен, бұл мәселеде уасытыя, яғни ортаңғы жолды ұстанған жөн. Айтар болсақ, кейде ақиқатты айту мүмкін болмайтын жағдайлар болады. Бұған мысал баршылық! Мәселен, иманын жасырған Асия анамыз. Тіпті Пайғамбарымыздың өзі (солләл-лаһу ғаләйһи уә салләм) бастапқыда мұсылмандарға дінін жасыруды бұйырмады ма?!

Ал «шындықты айтпай үндемей қалған үндемес шайтан» сөзіне келер болсақ, ғалымдардың айтуынша бұл сөз хадис емес, ғалымдардың сөзі. Мәселен, Абдул-Хайи ибн Мухаммад Әл-Ғаммад Әл-Ханбали (рохматуллаһи ғаләйһи) бұл сөзді айтқан Әл-Хасан ибн Әли Ән-Нисабури (рохматуллаһи ғаләйһи) десе, ғалымдардың кейбірі: «Шындықты айтпастан үндемей қалған үндемес шайтан» деп айтқан ең бірінші адам – Әл-Хасан ибн Әли Ән-Нисабури (рохматуллаһи ғаләйһи)»,-деген.

Толығырақ ...