Біз қандаймыз?

Әлеуметтік желідеміз,

Лайк жинап ерігеміз.

Қанша уақыт отырғанда,

Нені жинап, не ілеміз?!

 

Таңертең тұрысымен керілеміз,

Білім-ғылым қууға ерінеміз.

Қиналып керек болса сәл мәлімет,

Интернетке біз неге жүгінеміз?!

 

Телефонда мегабайт қалмады ма?

Санамызды интернет жалмады ма?

Бар уақытты тек соған арнайтындай,

Онсыз баста еш нәрсе қалмады ма?

Талдықорған Орталық Мешіті

Толығырақ ...

Қасқырлардың ақылдылығы

Бір ұя қасқыр. Ең алдында үш әлсіз әрі ауру қасқыр. Егер алда бір жағдай болса алдымен солар құрбан болады. Сонымен қатар бұл топ жол таптап, кейінгілер күшін сақтап қалуына ықпал етеді. Сонан соң 5 еркек қасқыр келеді. Бұл – негізгі топтың басы. Ортада 11 ұрғашы қасқыр келеді. Олардан соң тағы 5 еркек қасқыр, ал ең соңында – басшы бөрі келеді. Ол ұяның барысын қадағалап әрі реттеп топтың соңында жүреді.

Толығырақ ...

Омар ибн Хаттаб (родиял-лаһу ғанһу) өмірінің соңғы сәттері

Абдуллаһ ибн Зубайр (родиял-лаһу ғанһу) айтады: «Мен есімді білгелі бері Омар (родиял-лаһу ғанһу) пышақталған түнгі бізге жеткен қайғыдан гөрі ауыр қайғыны білмеймін». Бесін, аср, шам және құптан намаздарын жақсы халді бір адам оқып берді. Таң намазын дауысы бізге жат болған кісі оқып берді. Ол – Абдуррахман ибн Ауф екен. Намазды оқып болғанымыздан кейін: «Момындардың әмірі пышақталыпты»- делінді. Адамдар келіп қараса, ол кісі қанға боялып жатыр екен. Таң намазын әлі оқымаған екен. Оған: «Ей, момындардың әмірі, намаз, намаз» делінді. Сонда ол кісі: «Аллаһқа ант, намазды зая еткен адамға Исламда несібе жоқ»- деп, орнынан атып тұрмақшы болғанда, жараланған жерінен қан атқылап кетті. Сосын Омар радияллаһу анһу: «Ей, адамдар, бұл сіздердің көз алдарыңызда болды ма?»- деп сұрады. Али ибн Абу Талиб: «Жоқ, Аллаһқа ант, кім пышақтағанын білмедік»- деді де, Абдуллаһ ибн Аббасқа қарап: «Шығып адамдардан сұрастыр да, шындықты маған жеткіз»,- деді. Ол шығып келіп: «Ей, момындардың әмірі, Жәннатпен қуаныңыз. Халық арасында бірде-бір еркек те, әйел де қалмай, баршасы сіздің халіңізді естіп жылап жатыр. Сізге пышақ ұрған Абдул-Муғира ибн Шуъба екен. Ол сізбен қоса тағы он екі адамды пышақтапты. Олар да қанға боялып жатыр. Ей, момындардың әмірі, сізге жаннат құтты болсын!»- деді. Омар радияллаһу анһу: «Ей, ибну Аббас, бұнымен менен өзгені құттықта»- деді. Ол:» Неге бұлай демес екенмін? Аллаһқа ант, сіздің Исламға кіргеніңіз – мұсылмандарға абырой, қоныс аударғаныңыз – жеңіс, басшылық еткеніңіз - әділдік болды. Сондай-ақ зұлымдық құрбаны болдыңыз»- деді. Омар (родиял-лаһу ғанһу) ибну Аббасқа бұрыла қарап: «Аллаһтың алдында осыған куәлік бересің бе?»- деді. Ибну Аббас біраз кідіріп қалды. Қасында тұрған Али ибн Абу Талиб: «Иә, ей, момындардың әмірі, қиямет күні Аллаһтың алдында сіз үшін бұған куәлік береміз»,- деді. Сосын Омар (родиял-лаһу ғанһу) ұлы Абдуллаһқа қарап: «Ей, ұлым, бетімді жерге тигізіп қой»- деді. Ұлы Абдуллаһ айтады: «Мен әкемнің бұл сөзіне мән бермедім. Өйткені, бұл сөзді есін жоғалтқаннан айтып жатқан болар деп ойладым. Екінші рет тағы да: «Ей, ұлым, бетімді жерге тигізіп қой»- деді. Мен тағы да істемедім. Үшінші рет: «Сорың құрғыр, бетімді жерге тигізіп қой»- деді. Сонда мен әкемнің ақылы орнында екенін, жүрегі ашынғаннан айтып жатқанын білдім де, бетін жерге тигізіп қойдым. Топырақ арасынан көрініп тұрған сақалына қарап тұрдым. Ол жылап жатты. Тіпті топырақ лайланып, көздеріне жабысып қалғанын көрдім. Ол еріндері жыбырлап, бір нәрсе айтып жатты, жақындап барып тыңдасам: «Егер Аллаһ кешірмесе, онда Омардың соры құрсын»,- деп жатыр екен».

Жанәділ Раймбеков

Толығырақ ...

«ЛАЙКТАР»

Амандық тiлеп сiздерге,

Сәлем бердiм, халайық!

Назар салып қарасақ,

Сан алуан «лайк»:

«Ауырдым» десе бiр адам,

«Ұнатамыз» - «Лайк».

Ендi бiрi жоғалса,

Лайықты еттiк «лайк».

Бiрiнiң үйi тоналса,

«ұнайды» бiзге: «Лайк».

Келмесе екен ендi күн:

«Өлдi»ге басар «лайк»...

«Лайк» күтiп телмiрмей,

Сәждеге жаппай құлайық!

Шын «Лайкты» айтайын:

Аллаға бiз ұнайық!

Мың «Лайктан» қайырлы:

кешiрiм Одан сұрайық!

Сұм нәпсiнi арқадан

алып ұрып жығайық!

Мұсылман боп өтейiк,

Разылыққа лайық!

Нұрлы жүзбен Махшарда

Ерекше боп тұрайық!

Құлаққа iлмей дұшпанды

деп тұратын: «Қуайық»!

Одан гөрi намазда-

Медет тiлеп жылайық!

Ата-Ана мен Бауырға

Жәннат Бақты сұрайық!

Әр қазақтың баласы

«Үмбетке» болсын лайық!

Елдiң қамын Ер жасар:

Отанға дұға қылайық!

Аунап-қунап болдық қой,

Есiмiздi жияйық!

Құр «лайктан» дым шықпас,

Мақтанды бiз тыяйық!

Амал жасап Құранға:

«Мұсылман» атқа лайық!

Қасиет кетер көп сөзден,

Айтқанға ден қояйық!

Нағыз «лайк» Алланың

бiзге «басқан» «ЛАЙК»!

Мендiк мақсат, бауырлар,

Жинау емес «лайк».

Жарқын күндер көп болсын,

АМАН-САУ БОП ТҰРАЙЫҚ!

Мықтыбек аға

Толығырақ ...

Шыңғысханға табынған қоғам - ешқашан ізгілікті қоғам болмайды.

Біздің жазушыларымыздың көбі жастайынан төбелесіп өспеген. Ал төбелеспеген адам қара күшке табынатын қорқақ болады. Қорқақ адам - билік басындағы біреудің қара күшін пір тұтады. Біреуге зорлық-зомбылық жасаған адамды керемет көреді.

Маған Шыңғысханның ұлтының кім екені бәрібір. Шыңғысханның зұлымдықтары тарихта қалды. Оның Отырарды алған кезде бүкіл халқын қалай қырғаны, кітапханаларды өртегені, Қайырханның көмейіне қорғасын құйғаны туралы деректер бар.

Естеріңізде бар ғой, «Ақсақ құлан» деген күйдің аңызы. Домбыраның көмейіне қорғасын құйды деген не сөз - халықтың үнін өшірді деген сөз. Қадыр Мырзалиевтің керемет сөзі бар. «Нағыз қазақ – қазақ емес, нағыз қазақ – домбыра» деген. Домбыра бұл - қазақтың жаны, бүкіл сыры, ойы, шері бәрі домбырада. Міне соның үнін өшіріп, көмейіне қорғасын құйған адам – Шыңғысхан.

Қазақтың аңызында, фальклорында Шыңғысхан туралы бір де бір жағымды сөз жоқ. Оны ойлап тауып жүрген кейінгі сауаты шамалы, комплекстары бар жазушылар.

Егер сіз Шыңғысханды дәріптесеңіз, онда Гитлер де, Наполеон да, Сталин де керемет. Егер сіз адамның ұлылығын оның парасатымен, ізгілігімен емес, жаулап алу құдыретімен өлшесеңіз, онда Шыңғысханға табынасыз. Бірақ, Шыңғысханға табынған қоғам - ешқашан ізгілікті қоғам болмайды.

Дархан Әбдік

(«парасатты» журналист)

(Abai.kz)

Толығырақ ...

Құлдардың жақсырағы

Ай соңында: «Тамақ таусылып қалар ма екен?»-деп әмияндағы ақшаны қайта-қайта санайтынымыз сияқты, ұлы күн Қияметте шығынға ұшырап қалмау үшін өз амалдарымызды бүгін есепке алайық.

Белгілі ғалымдар Әт-Табарани және Әл-Хакимдердің келтіруі бойынша, сахих жолдармен жеткен бір хадисте Ибн Әбу Ауфа былай деген: «Расында Алланың елшісі (оған Алланың игілігі мен сәлемі болсын): «Құдайдың құлдарының арасында Раббысына жақсырақ болғандары, Алланы ең абзал уақыттарда зікір ету үшін күннің, айдың және жаңа туған айлардың кезеңдерін бақылап, есептеп жүретіні».

Жанәділ Раймбеков

Толығырақ ...