Дүниеден өткен ата-анаға жақсылық істеу жолдары!

1. Ата-ананың туыс-жақындарымен қатынаста болу.

2. Ата-ананың достарын құрметтеу.

3. Ата-ананың атынан садақа беру.

4. Ата-анаға нәпіл намаз-оразаның сауабын бағыштау.

5. Құран оқып, соның сауабын ата-анаға бағыштау.

6. Ата-ананың атынан қажылық пен умраны орындау.

7. Ата-ананың қарызын өтеу.

8. Адамдарға барынша көп жақсылық істеу. Себебі бұл істе сол жақсылықты үйреткен ата-ананың тиесілі үлесі бар.

9. Пайғамбарымыз (солләл-лаһу ғаләйһи уә салләм): «Адам баласы өлсе оның үш нәрседен басқа амалдары тоқтайды: жария садақа (ел игiлiгiне мешiт, жол, мектеп салу), көпке пайдасы тиетiн бiлiм, артынан дұға қылатын игi ұрпақ»,-деген. (Муслим)

Пайғамбарымыздың (солләл-лаһу ғаләйһи уә салләм) осы айтылғанынан сай ата-ана үшін көп дұға ету.

Толығырақ ...

Әтеш шақырса, есек ақырса...

Нәби (солләл-лаһу ғаләйһи уә салләм) айтады: «Әтеш шақырғанын естiсеңдер, Алла Тағаланың кеңшiлiгiн тiлеңдер! Себебi ол перiштенi көрсе шақырады. Есектiң ақырғанын естiсеңдер, Алла Тағаладан шайтанның азғыруынан пана тiлеңдер! Себебi ол шайтанды көргенде ақырады». (Муслим)

Демек, әтеш періштені көрсе шақырып, есек шайтанды көрсе ақырады екен.

Әтеш шақырғанда дұға қабыл. Пайғамбарымыз (солләл-лаһу ғаләйһи уә салләм) әтеш шақырғанда Хақ Тағаланың кеңшілігін тілеу жайында айтудың мәнісі осы!

Шайтан ақырса, мұсылман: «Ағузу билләһи минәш-шайтонир-рожим»,-деп Алла Тағаладан оның азғыруынан пана тілейді. Сонда, Хақ Тағаланың қалауымен, шайтан адамнан аулақ жүреді.

Осы айтылған барлығы әдеп. Бірақ жай әдеп емес, мұсылмандық әдеп!

Алла Тағала баршамызға мұсылмандық әдепке сай тіршілік етуімізді жазсын! Әмин!

Толығырақ ...

Жеті нәрсе!

Біреу жеті нәрсені білу үшін бір данаға 700 шақырым ерген екен. Сондағы білейін дегені:

1. Аспаннан ауыр;

2. Пышақтан өткір;

3. Тастан қатты;

4. Оттан ыстық;

5. Қыстың ызғарынан суық;

6. Мұхиттен кең не бар?

7. Жетімнен қор кім бар?

700 шақырым өткеннен кейін дана сұрағына жауап беріп былай деген екен:

1. Аспаннан ауыр – пәк адамға жала жабу;

2. Пышақтан өткір – ақиқат;

3. Тастан қатты – кәпірдің жұрегі;

4. Оттан ыстық – Отан;

5. Қыстың ызғарынан суық – біреудің қастығы;

6. Мұхиттен кең – жомарттың пейілі;

7. Жетімнен қор – арада өсек тасушы.

Толығырақ ...

Бір-біріңді ғайбаттамаңдар!

Алла Тағала «Хужүрат» сүресінің 12-ші аятында: «Бір-біріңді ғайбаттамаңдар!»,-десе, Пайғамбарымыз (солләл-лаһу ғаләйһи уә салләм) Миғрәж түнінде көргенін айтып былай деді: «Мен көккке көтерілгенімде мыс тырнақтары бар біреулер өз беттері мен кеуделерін тырнап жатқанын көрдім. Мен: «Уа, Жәрбәил! Бұлар кім?»,-деп сұрағанымда ол: «Бұлар – адам етін жеп, өзгелердің ақысына қол сұққандар»,-деп жауап берді». (Әбу Дауд)

Ғайбат (өсектеу, жамандау) – ауыр күнә, әрі бүгінгі күннің қатерлі бір сынағы.

Жүрегін жаман оймен, тілін ғайбатпен ластаған адам өлген туысының етін жеген болады. Бұл мәселеге қатысты Алла Тағала сол «Хужүрат» сүресінің 12-ші аятында: «Біреулерің өлген туысының етін жегенді жақсы көре ме? Әрине, жек көреді»,-деген.

Е-е-е, бірақ пенде пендешілігін қойсын ба? Сүйексіз тіл сайрамай тұрсын ба?! Біреу өзгені біреуге жағымпазданып, біреу атақ, мансап дүние қуып, біреу біліп, тағы біреу білместікпен жамандап жататын жағдай болып жатады. Қандай болғандада жақсы емес! Осындай жағдайда пенде не істеу керек? Хасан Басри (рохматуллаһи ғаләйһи): «Ғайбаттың кәффараты (өтемі) – біреуге тіл тигізген болсаң, ол үшін Алла Тағаладан кешірім сұрау»,-деген. Сонымен қатар ғалымдардың былай дегені бар: «Біреуді ғайбаттаған адам, сол өзі жамандаған адамға соған сай жақсылық істеуі тиіс!»

Алла Тағала ғайбатшылардың қатарында болудан сақтасын! Әмин!

Толығырақ ...

Үйге кіру әдебі

Алла Тағала айтады: «Уа, мүминдер! Біреудің үйіне рұқсат сұрамайынша және үй иелеріне сәлем бермейінше кірмеңдер. Түсінсеңдер, бұл сендер үшін қайырлы». («Нұр», 27 аят)

«Үйлеріңе кірсеңдер өздеріңе Алла Тағаладан берекелі тіршілікті тілеп сәлем беріңдер». («Нұр», 61 аят)

«Кім Алла Тағаланың талаптарын орындаса, әлбетте, бұл жүректің тақуалығы себебінен». («Хәж», 32 аят)

Мұсылман адам үйге оң аяқпен басып кіреді. Үйден шықсада, оң аяғымен шығады.

Өз үйіне, не болмаса біреудің үйіне кірсе: «Ассаләму аләйкум»,-деп сәлем беріп кіреді. «Ассаләму аләйкум» деген сөз «сендерге Алла Тағаланың сәлемі, амандығы болсын» деген сөз. Сондықтан құр әншейін «сәлем», «привет» дегендер өзінен де, өзгеден де Алла Тағаланың жақсылығын қызғанған болады.

Біреудің үйіне рұқсатсыз кірмейді, әрі кірген жағдайда жан-жаққа көз жүрітіп үй ішін зерттемейді.

Біреудің үйіне барғанда төрге ұмтылмай, үй иесі ұсынған орынға отырады. Барған жеріңде төрге шұқшия қарасаңда, қарамасаңда, үй иесі төрге отыруды ұсынады. Сондықтан тәрбие көрген адам сөз, ишара, әрекетімен: «Менің орыным – төр»,-деп әдепсіздікке жол бермейді.

Осының барлығы – сүннет, мұсылмандық әдеп. Ал мұсылманның осы сүннетті ұстануы аятта айтылғандай «жүректің тақуалығы себебінен».

Алла Тағала баршамызға сүннетке ерісуды нәсіп етсін! Әмин!

Толығырақ ...

Ананың қызына өсиеті!

Қызым! Жастың шақта, денсаулығын барда көп сәжде етіп қал! Кейін сондай уақыт келеді, бір мәрте сәжде етуге шамаң келмей қалады. Оған қарттығың, дертің т.б. кедергі болып қалады. Айтқаныма сен!

Қазір, міне, мен қартайдым, қауһарым кетті. Тізем бүгілмейді, бел иілмейді, еңкейсем басым айналады. Әтең-ай! Мүмкіндік болып тұрғанда көбірек намаз оқысамшы!

Мен де ана болдым, құрсақ көтердім, бала өсірдім, үй шаруасымен айналыстым. Мені: «Уақытым жоқ! Бес уақыт намаз оқысам болды. Нәпіл намазды кейін оқып үлгіремін»,-деген ой алдады. Болмаса, тіршіліктің берекеті намазда емес пе?! Намаз – жан мен тәннің ләззаты емес пе?!

Қызым! Алла Тағалаға бір рет сәжде етудің қадірін түсіне біл! Әтең, адам баласы қолында барын одан айырылған кезде қадірлейтін әдеті бар. Әттең, мен де сол бір сәжденің қадірін басыңды сәждеге қоя алмай қалғанда білдім.

Қызым! Намазың көп, сәждең мол болсын! Тіршілік берекеті мен өмір бақыты – намазда!

Толығырақ ...